هلا حببيبتي

واضح انه الخطأ من الزوج وانتي طبعا عارفه وذكرتي هالشيء لانه الواحده تحس وتعرف اذا الخطأ من الزوج ولا من الشغاله لانه كل واحده تفهم حركات زوجها
والله مبتليك بالطبع الشين بزوجك من ناحيه انه عينه زايغه

لكن نصيحتي لك حبيبتي

اول شيء طلعي الشغاله نهائيا من منزلك ولا تستخدمي شيء اسمه شغاله الا وقت العزايم او الوقت اللي ما يكون فيه موجود زوجك فهمتي علي!!

وجيبيها مثلا مره في الاسبوع تسوي تنظيف شامل للبيت وجيبيها بوقت زوجك يكون مو في البيت فهمتي علي يعني طالع مع اصدقائه اي شي ..

وباقي ايام الاسبوع لازم حبيبتي تعودي بناتك وتعودي نفسك انه تقومون بشغل البيت وصدقيني كل شي يهون شوفي حبيبتي امي عمرها الحين فوق الخمسين سنه وبتقارب الستين وجابتنا عددنا 6 وربتنا بدون ما تستعين بخادمه طول عمرها للان ما عندها واخواتي الكبيرات تزوجوا وعندهم الحين عيال وما جابوا شغالات وانا الحين متزوجه وصح بعد ما عندي عيال الله يرزقني لكن ما جبت شغاله
وصدقيني عادي شغل البيت حتى مع الابناء والبنات عادي

ولازم تعودي بناتك انهم يساعدوكِ بعد العشاء يغسلون معك المواعين ونظمي لهم

واحده عليها ترتيب البيت وتكنيسه
واحده عليها تنظيف الحمامات
واحده عليها غسل المواعين
وواحده عليها تنظيف الغاز وارض المطبخ والطاولات فيه
والغسيل خليه عليكِ والكوي خليه بره عند المغسله، او كل واحده تكوي ثيابها من البنات ما فيها شيء
والطبخ عليكِ خاصه الغدا
اما الباقي يحضروه معك مثل العشا
اذا في بنت صغيره خليها تمسح الغبار
والولد خليه هو يرمي الزباله بره



وممكن هالجدول يتغير يا يوميا يا اسبوعيا على حسب راحة البنات يعني يوم هذي عليها غسل المواعين اليوم الثاني يكون عليها الكنس والترتيب للبيت
ومو شرط اول ما يجون من المدرسه يبدون الشغل لا خليهم يرتاحون والعصر يرتبون هالاشياء

وبكذا يكون البيت خالص :) وصدقيني انا واخواتي تربينا كذا مع امي وطلعنا نعرف نشيل البيت يوم نتزوج ونعرف نطبخ وبكذا تحمي بيتك وتحافظي على زوجك وتعلمي بناتك يصيروا جاهزين وقت الزواج لتحمل الاسرة والبيت :)
وترى لما يتقسم الشغل البيت ساعه ولا ساعه ونص وهو خالص كله وصاير يلمع لمع مثل المرايا


والله الحكايه كثير سهله واعرف لك واحده نفس الشيء عندها فيلا طابقين وعندها حوالي 7 ابناء وعمرها بالاربعين وللان ما عندها شغاله وتشوفينها ما شاء الله عليها كلها شباب وحيويه وتقول مستحيل استعين بخادمه ما دامني بصحتي وماني مريضه

فانتِ لا تخلي الشغاله الا للعزايم او اذا صرتي مريضه لا قدر الله


اهم شيء حبيبتي شيلي الشغاله فورا وانسي امر الشغاله بالبداية بتشوفين الوضع شوي صعب لكن بعد فترة اسبوعين ثلاثه صدقيني بتتاقلمين جدا على الوضع ويصير عادي لك ولبناتك ولا تردي عليهم ولا تسمعي كلامهم :) بلاش هالدلع منهم

واهم شيءءءءءءء
في اخر الليل قبل لا تنامي صلي ركعتين واستغفري ربنا كثير وادعي الله انه يسهل عليكِ امورك ويسخر زوجك لك ويهديه


ولا تنسي دايما تسبحي اثناء العمل او قبل ما تنامي كل ليله قولي:
سبحان الله
الحمد لله
الله اكبر
ثلاث وثلاثين مره وربنا بيعينك ويسهل عليك عمل البيت لانه هالشي وارد عن ايام الرسول صلى الله عليه وسلم لما ابنته عليه الصلاة والسلام طلبت شغاله تعينها وكان زوجها رضي الله عنه فقير فقالوا لها انها تسبح ربنا ثلاث وثلاثين مره باللي قلت لك عليه وربنا يسهل عليها .

ومجربه هالطريقه ونافعه

واكثري من الدعاء لزوجك بالهداية

ولا تسمعي منه لو قالك خلاص ما بعود اكلمها لانك جربتيه اكثر من مره وما فاد فهو مثل المثل اللي يقول: (متل شباط ما إله رباط)

وسواء كانت اندونيسيه ولا فلبينيه ولا سيلانيه حلوه ولا بشعه دبه ولا نحيفه بيضه ولا سوده الرجال اللي يناظر بيناظر واللي وده بشي ما يهمه الشكل ولا اللون وياما قصص اعرفها بهالشي حتى مع السيلانيات.


والله يهديه لزوجك والله يطمن بالك وتوكلي على الله
ومن ترك شيئا لله عوضه الله خيرا منه
وانتِ هالشي بتحافظي فيه على زوجك لانه منكر لانه هو يسوي منكر بالنظر والتحرش بالشغاله على الرايحه والجايه وانتِ بكذا تمنعين هالمنكر عشان تحافظي عليه وان شاء الله مأجوره


الحلول اللي ذكرتها الاخت الكريمه دانـــــــــــــه هي عين العقل :) :)

هلا عزيزتي

ماشاء الله تبارك الله تقولين عندك 5 بنات

وليش شغاله ؟؟؟؟ طلعيها وخلي بناتك الله يحفظهم يساعدونك

واذا لزم الامر يعني ضروري جيبي خدامه كبيره بالسن بس تساعدك

والله يهدي زوجك ويسخره لك

رجاجيل هالزمن ( بعضهم ) مجانين

تقبلي تحياتي وقبلاتي اختك
آلاء