زوجي...ومريضة السرطان...والخيانة...وأسألك يا ربي الصبر

موضوعي يمكن يكون غريب...بس هالدنيا والله أغرب...

أمر الإنسان غريب وعجيب...لين متى وهو في غفلته...وشو العقاب والبلاء اللي ينتظر يصيبه على شان يرده...

هذي رساله أكتبها لوحده معينه يمكن تقرا رسالتي هذي وعلى شان تعرف إنها هي المقصوده...أقولها إنتي اللي أرسلتي لزوجي صوره للأشعه تثبت إنج مريضه...

أكتب لج يا اللي أغويتي زوجي بالحرام...أكتب لج يا اللي ما تخافين ربج...

الغريب إنج ما اعتبرتي من اللي فيج....ما اعتبرتي في مرضج اللي ابتليتي به...

كيف ما ردج عن الحرام...كيف؟؟؟.....خافي الله إنتي مريضه بالسرطان...شو أكثر من هذا تبغين على شان يردك عن العلاقات الحرام...ما فكرتي إن هالمرض يمكن يكون عقاب من رب العاليمن...

حيرتيني هل أدعي عليج واتشمت فيج بمرضج...لكني أخاف من الله يبليني في نفسي وعيالي...مع إني مظلومه باللي تسوينه مع زوجي...ويمكن تكون دعوتي مستجابه لأن المظلوم دعوته مستجابه...

وإلا ادعي إن الله يشفيج...وإنتي اللي خليتيني أكرهج لأنج تاخذين أغلى إنسان عندي...فكيف أدعي لج...

حيرتيني!!! وحيرني أمرج


ولزوجي العزيز اللي ما أبرئه في خيانته لي مع هالبنت وغيرها أقول......حسبي الله ونعم الوكيل...و صبر جميل والله المستعان...


أخواتي لا تلوموني من قهر وحره في قلبي...كتبت هالشي...لأن شكلي آخرتها بتخبل...والسبه خيانات زوجي