زو...............جي

السلام عليكم

انا مو عارفه كيف أبدء مشكلتي من خيانة زوجي ولا من عقمه ولا من كلامه الاستفزازي

خلوني احكيلكم كل هذا مع بعض وأتمنى تدعولي وتعينوني



انا تزوجت زوجي وعمري 16 وهو 30 والحين صار لي 14 سنه متزوجه وجبت بنت وعمرها 8 سنوات وحملت فيها بطفل أنبوب بسبب عقم زوجي اللي اول ماتزوجنا كان فيه ضعف والان ساءت حالته جدا وكل مامرت السنين صارت أسوء وعلاجه بالابر فقط ورافض يأخذها بحجه انو تتعب مفاصله


انا أشكر ربي وأحمده انو رزقني بطفله ومااخفي عليكم انو نفسي بطفل ثاني بس كل بامر الله
وأحب زوجي جدا وهوا مايقصر معايا ماشاء الله


مشكلتووو أني جالسه أكتشف خياناته بس كلها مكالمات بس هذا اللي انا عارفتو وبعض اللي يكلمهم حريم كباااار ومخلفات واللي مطلقه واللي زوجها مسافر الله ينتقم منهم وبعضهم صغار في ال 18

وغير كذا يقلي اش رايك بتزوج وأشوف يمكن انجب من الزوجه الثانيه طيب انا الحمد لله سليمه وصبرت وتحملت عمري الان 30 وأنت تقول بتزوج واجرب مع وحده ثانيه


وشوي اعرف انو اخواته يوزوه ويقلوله في لك عروسه أتزوج خلاص بنتك كبرت جرب<< الحياه لعبه
يعني البيوت أسرار وانتم مو عارفين شي مو عارفين وضعي ووضعه ليش يدخلوا ويقلقوا راحتنا بس انا حلفت بعد ماعرفت كذا اني ماطب بيت وحده فيهم ليش مو كفايه انهم قاطعين وانا واصلتهم بيتي مايطبوه وانا ازورهم في اعياد وغير اعياد اروح مناسباتهم على عزومة زوجي يقلي اختي عزمتك واروح واباركلها واهديها وفي الاخير اسمع انها قالت هذي اش جابها انا ماعزمتها وانا اقول لزوجي واقول عشان مابكون قاطعة رحم أروحلهم وبتحمل أذاهم عشانهم أهلك

عزمتهم ببيتي سويت بوفيه بيدي لهم وقلت ارفع راس زوجي قدامهم ماجأت الا وحده فيهم بعد مألح زوجي عليها

بعد هذا كلو تبغو تزوجوه مو داريين انو اخوهم يحرق في دمي عالطالعه والنازله أبجرب وأبجرب ويقلي خلاص تعبت مابغا اسوي اطفال انابيب مين اللي بيتعب انا ولا هوااا


يابنات انا قلتلوا زواجك من ثانيه يعني طلاقي منك بس مو قادره أتخيل ارجع اعيش عند اهلي وبدون زوجي وبنتي لانواكيد والدي مابيخلي بنتي معايا وغير كذا انا احب زوجي ومتعلقه فيه وفي نفس الوقت أفكر أطلق قبل لايروح عمري ويقهرني بوحده صغيره بحجة أنو يبغا عيال شوروا عليا والله نفسيتي تعبانه وانا اذا صررت مهمومه وزني يزيد ووزني زايد كم كيلو هالفتره




بنات حبيت اوضح ان اخواته عارفين انو العيب منه بس اللي انا متأكده انهم مو عارفين لأي درجه الضعف اللي عنده لانه الحين صار اذا حلل يقوله العدد صفر وأحيان يكون فيه 1 أو اثنين بس ويقله انو انتا ماتقدر تنجب الا بعد أستخدام الابر ومايرضى يستخدمها لانو الدكتور قالوا انها راح تتعب مفاصلك وظهرك