انت انشبي بحلقه انا كذا اقعد ناشبه فيه واسئله وش رايك زينه تحس ناقصها شي او عاجبتك كذا واذا لبستي تعالي عنده وقولي وش رايك زين او لو اسوي كذا احسن وخليه يساعدك بالاختيار يعني قبل تلبسين ناديه قوليله اختار لي واذا ما رضي او قال بكيفك البسي علي مزاجك وانشبي بحلقه لحد مايقول رايه نصيحه الرجال انتي الي تنشبين فيهم انا كنت انقهر بس صرت اسئله صح شي يقهر بس كذا هم طبعهم

زوجك رجل شمالي كتووم لدرجة انو مايوضح لك اللي بخاطره ..

وعلى فكره مو معناته انو ماهو منتبه لا منتبه ..

يعني لا تنتظري منه مدح ومسجات ..

ولا حتى يعطيك العافيه لانه يعتبر اللي تسويه واجب عليك ..

غاليتي انتي اعملي لوجه الله وعتقد اذا صدقت في كونه

شماللي هنا ملف رائيته من يومين اقرئيه وراح تستفيدي..

يا حبيبتي روووووقي ووسعي صدرك

ماتعرفين السعوديين هههههههههه أمزح

يا عزيزتي أغلب الرجال مثل زوجك على قولت إلي قبلي طالما *** الصحن ماشاء الله ههههههههه

فهو عاجبه وطالما ما إنتقد لبسك فهو عاجبه .. هم كذا ربي خالقهم بالهم مشغول ولا يدققون بهذي الأمور

تحصلين راسه مليان بمليون شغله وشغله حنا الحريم دايم نتهاون بهالشئ ولا نفكر فيه

الرجل مسؤول عن عايلته وتحصلينه يفكر بكل صغيره وكبيره من مصاريف ومشاكل عمل و و و

بس هم يفكرون بصمت مو لازم يقولون لنا عن إلي بروسهم .. عشان كذا روقي نفسك وسوي إلي عليك

ولاتغثينه بالأسئله والمسجات

ع الاقل انتي زوجك ساكت مايذم طيب والي زوجها ينتقدها ويعيرها بالحريم وشوفي زوجة فلان و زوجة علان وهي هالكه نفسها علشانه هو وعياله وش تسوي مير الله يعين

