زوجي !!

السلام عليكم

انا اول مره بكتب مشكلتي


مشكلتي تكمن ان اخوي جاء وسكن عندي عشان يدرس بالجامعه عندنا


ومن بعده وزوجي متغير علي


وحتى انا م اخذ راحتي باللبس وبكل شي خاصه اننا بشقه وصابره ومتحمله وادري ان زوجي متضايق بالحيل


بس وش بيدي مقدر اقول لاهلي م ابيه عندي



حتى هو الله يهديه وصخ بالحيل وزوجي مرا يتضايق من وساخته يعني يدخل المطبخ ياخذ شي منه يرمي القراطيس بالارض وقشور الفواكه وزي كذا على طاوله المطبخ عادي والزباله جنبه !!



تعبت منه كلمته مافاد قلت زوجي يتضايق عادي ولا همه يكمل رمي بالارض



غالبا انظف بعده بس احيانا انام قبل مايجي زوجي ويشوف الحفله اللي مسويهت اخوي



وغير كذا عندي طفلين وشغل بين مراا تعب


وزوجي موب مقدر بس كل شويً مشكله
انتي ماتهتمين فيني انتي اهم شي عندك اهلك

طيب انا متى يحصل اهتم بنفسي عشان اهتم بك شغل شغل شغل اطفال انام وانا مرهقه حتى نفسي يالله اهتم فيها


اههـ بس بي ضيقه م تتخيلونه




والمشكله يبي اهتمام ومدري ايش وهو مايجلس بالبيت الا وقت النوم بس



وابد مايسوي شي للبيت غساله مايكروييف اشياء كثيره خربانه بالبيت وعادي ولا همه اهم شي وناسته مع اصدقائه



مايشوفونه عياله لدرجه لو صار بالبيت مايقعدون معاه الا لو صرت عنده !



هو جنوبي غربي




محتاره مدري وش سالفته هل هو يبي يتزوج يبي يطلق يكلم بنات طبعا جواله ي ويلي لو مسكته



وكل م تهاوشنا انتي مقصره معاي
بعذري لو قصرت الشغل مايخلص وغير الاطفال والاهتما فيهم



والله مدري وش كتبت بس اتمنى تساعدوني