زوجي 😅

مراحب خواتي الغاليات 💕
قريت موضوع ابونا حق اختنا جوهرة عتيبية ربي يسعدها وتعليقها عن كلمة ابونا وهي اوقات يقولونها عمامي وتحوم كبدي منها 😂 مافي مثل الاب ربي يطول بعمر الحي منهم ويرحم الغايب ويشفي المريض
المهم على طاري تسمية الزوج بحكي لكم قصة اول زواجي كنت اختلط بصديقاتي بالددوام والزميلات وماحب اقول اسم زوجي فأقول زوجي كذا ماقول اسمه الا للقريبات مره وقليل بعد طبع فيني
وجيت مره زايره اهلي واسولف مع ابوي وتعودت اقول زوجي ماقول فلان وقلت زوجي يسلم عليك وتقوم اختي الكبيرة تقول يع ايش زوجي قولي فلان ☻ قلت طيب انا كذبت هو زوجي وفلان بعد وضحكت وقامت مشمئزة من كلمتي يمكن عشاني الاخت الصغيرة 💘 ماتعودت على هالعضو الجديد بعايلتي الله يسخره لي ويرزقني منه الذرية الصالحة 💜
المايك لكم اتحفونا وشغلوا الذاكرة لمواقف اول الزواج ودخول هالعضو الجديد لعايلتك ☻