ذكرتيني بوحدة من قريباتي زوجها مرمرها على الفلوس مايعطيها إلا باللتي واللتيا... المهم تكلمت عليه عند اهلها ودايم تشتكي وتتخانق معه ومافيه فايده
.
الحين صارت تسافر في السنة مرتين ثلاث ... تشتري لعيالها اللي تبغى.... ماقولك عطاها بطاقته لكن شوفي كيف
.
طبعاً مادخلت في حياتها ولا سألتها عن التفاصيل لكن اللي عرفته صارت ماتشتكي جنب احد عنه ودايم تقوله كلام يناسب تفكيره مثلاً:
تروح السوق وتشتري لها ولأهلها ولعيالها وبعدها لمن تجي جنبه تقول انا ادخل السوق بس مرتين او ثلاث في السنة واشتري مرة وحدة وهذي هي ونستعملهم وما اروح كل يوم والثاني للسوق اشتري
.
تحسسه انها توفر ... تحسسه انها ماتصرف... جاته من الباب اللي يناسب تفكيره...
.
الله يسعدكم يارب🌸
وارتاحي من النكد في كل طلعة
انا فاهمة زوجك هو يفكر انك ما فكرتي فيه مهما دفع انتي مفروض بعد الغداء شكرتيه شكرا حبيبي عالغدا ما قصرت الله يكثر خيرك
وقهويتيه على حسابك دام غداكم ب 300
انا مع زوجي كذا ويعطيني 500 واحيانا الكوفي والحلا ادفعها من عندي خصوصا اذا طلعنا عشاء او غدا وينبسط
صرت احيانا اغديهم من عندي علطول يدفع هو قيمة الحلا يقولي بقهويك على حسابي
حسسته ان الحياة مشاركة بينا مو اعطني اعطني بيصير يتثاقل الطلعة معي ويحس اني مستغلته ولا همني
هو عنيد وانتي زنانة والزن يزيد العناد زوجك يبغاله اسلوب حلو وبيمشي لو بخيل ما غداكم برا
والف كثير ماشاء الله انا اخذ 500 وتبقى للراتب الثاني اذا اخذتي الشى الضروري واقتصدي بتكفي وزيادة