زوجي 👎🏻

السلام عليكم ورحمة الله وبركاته

والله اني اكتب لكم و نفسيتي تعبانه و فكري متشوش ولا ادري وش اسوي ولمن الجئ بعد الله ،
انا لي سنين متزوجة من واحد كنا كلنا صغار ما انكر
انا تزوجته صغيرة و علئ نياتي مرة وكل احلام هي الزواج
انا هالفترة عيوبه و مشاكلنا ما تفارق بالي ولا ادري وش اسوي شلون اعيش باقي عمري
اول ما تزوجنا هو انسان متشدد صبرت عادي يعني يقول سكري عيوني ، لا تكتبين اسمك الحقيقي في المواقع ، البسي اسود تحت العبايه احسن وانا بروح عزيمه وكذا بلبس كل مره ذا الاسود !!
لا تردين علئ رقم غريب واشياء كثيره مره غريبه …
اول ما قابل امي و سولف معها بعد الزواج ما اعجبه كلام وامي و يقعد شهر العسل يتكلم فيها ، وكلامها عادي مره تقول بنت تحب البراد بنتي نومها خفيف عيالي شويين كنا لبنانيين ، تخيلوا كل هذا الكلام رد علي به في شهر العسل قال وين اللي تحبين البراد !!! وين اللي نومك خفيف !!!!! وين اللي لبنانيين صديقتي هو و اخته بس !!!! انا مستغربه من العقليه
وينشب لي شهر العسل وش يقولون لك اهلك كلمات شينه و تزعلين ؟؟؟ هذا سؤال ادمي طبيعي بعدين ينشب لي قولي لي كلام حلوو طيب عيب تقولها لي صراحه قولي لي كلام حلو !!!!
بعدين يقعد يقول انا خسرت وخسرت ودفعت و و و ….
لما رجعنا كان فيه بعض المشاكل يقول لي انا دفعت في المطبخ هالمبلغ اني اقول حبيبتي طباخه ما دريت انك ما تعرفين تطبخين هذا كلام !!
والله يا بنات اني كل اسبوع اقول يالله خل نروح نزو الوالده يقول لا لا بكلم امي لا يمكن مشغوله يمكن بتطلع و شفت مافيه حرص من احد و لا عاد رحت كل اسبوع ، تخيلوا يا بنات من ولدت غارت امه و تبي تشوف الولد مثل اهلي ، قال لي ترئ فلانه مرت اخوك تروح كل اسبوع ، تخيلوا عشان امه غارت قام يقارني بزوجة اخوة !!!!!!! وانا اللي كنت اقول بروح كل اسبوع
و مره كنا راجين من اهله وانا مسويه بيتزا كذابه و شرائح عليها ثوم وجبن متفننه ههههه وكنت توني متزوجة وصغيره ولا اعرف اطبخ وبيني وبين امه ٤٥ سنه تخيلوا قال الله يوم جت صينية امي رهيبه و لذيذه وفخمه و انتي شينه و تفشل خبز تخيلوا قلة الادب والذوق !!!
و من قلة الذوق لما ولدت جاء هو وامه ياخذوني من المستشفئ وانا ذقت في ولادتي ما الله به عليم ، تدرون كل الطريق وش يقول ؟؟ تحسبون ما يتعب الا انتم الاب له دور ابوي كان وكان وان شاء الله يطلع الولد علي ذكي و و و ، بالله عليكم هذا وقت تفرد عضلاتك و تغار وانا توني طالعه من ولاده شفت فيها الموت !!!!!
انا اعترف كنت اتجادل معه جدالات في مواضيع المفروض ما اتجادل معه فيها ، تخيلوا قلت له صديقتي المطلقه تزوجت قال اكيد ثانيه ؟ شوفي النظرة الدونيه المطلقه عنده ، مرة قلت له المطلقه نفس المطلق تدرون وش رد وقال !!!؟؟؟؟ قال انتم عندكم شيء يتغير قسم بالله يا بنات كل هالسنين ما نسيتها ابدا
ومره قال لي نكته واحد عطئ صديقة طليقته وقال له هاه كيف البضاعه قال اخو الجديد بس مصدي من تحت ، والله ما قد شفت غباء و وقاحه مثله
ومره قال بعد كم شهر من الزواج ، انتي معد يوجع وقت العلاقه
و ينتظرني ويراقب ردك فعلي ( لانه يقصد انك تغيرتي من تحت )
اذا تغيرت ؟ من غيره ؟ وانبسط ؟ وليه تقول لي ؟؟؟
الكلام والذكريات السيئه تطول
بس انا مشاعري تجاهه سيئه ولا اطيقه احس مدري شلون يفكر ويحس ، صارت حياتي شينه من بعده 💔💔
مشاكلنا في ازدياد خلافاتنا تتكاثر بعدنا يطول وش اقول وش اخلي
ابي شوركم ما احس في امل اقدر اقرب منه حياتي ما صار لها طعم و ولون زواج بالاسم 😞😞
الانفصال فكرنا فيه بس عندنا اولاد و عجزنا نتقبل فكرة حياتنا بعده
اكتبوا اي شيء يخفف ويساعد 🤍