زوجي أخذ طبينتي باجازتي وراح مشها بدالي

السلام عليكم


مساءكم الله بالخير


بنات انا ابي حل يصلح حياتي وحال مع زوجي
مو حب فيه لا نفسي عافته بس عشان عيالي صغار


ومحتاجينه والا هو ماعليه حسافه


زوجي كان مواعدني نطلع أَجازتنا السنويه


هو يقسم الاجازه بيني وبينها وهالمره دوري
انا كنت عند اهلي لي شهرين
جا على أساس يأخذني كلمته قال زوجتي معي بالخط
قلت ايش جابها قال تبي اخوها
المهم بدا يسال ويناقشني قدامهم قلت لا تقول شي قدامهم
قال ايش اسوي هي زوجتي وجالسه على يميني
قلت وينك لك يومين ماكلمتني وتناقشنا ورتبنا الرحله


المهم كلمه منه كلمه مني


قال خلاص انا لغيت إجازتك بعدين اعطيك هي وقفل جواله
وسحب عليا
المهم انا انحطيت بموقف محرج قدام اهلي ألي عارفين انه على وصول


قلت ماقدر يطّلع ظروف عمله
المهم انا مت قهر من حركته معايا إجازتي يأخذ طبينتي ويقول بعدين اعطيك اجازه




بنات بعطيكم اشويه تفاصيل عن علاقتنا
طبينتي لها مكانه غير عنده تتصل عليه باي وقت عندي لدرجه احيانا تتصل 6 مرات في اليوم ومابقول لها شي


وانا اذا اتصلت قال قدامهم نعم ايش تبين لاعاد تتصلين


المهم هو يقدرها على حساب كرامتي فهمتوا عليا




ابي حل والله العظيم نفسيتي مره تعبانه


ابي اسنعه اخليه يحسب لي الف حساب
بس مااعرف كييييف




الله يفرج عليكم ساعدوووني