خواتي والله يكفيني هالتفاعل وأدعولي:
حبيبتي دنيا ملونه : أنا ماأطوفله على قولتك المره الأولى أكتشفت أنه مستمر علىعلاقه بوحده( كان يعرفها قبل الزواج) ويكلمها وأنا توني عروس ولما أكتشفت جمعت أغراضي وقلت أنسحب من أولها ولكن الأخ عمله فيلم هندي ودموع وبكاء وأنا أحبك وبموت من دونك وهات تبويس للرجول وأنا بنتحر المهم رحمته وسامحت بحكم أنه أول مره يمر علي هالشئ........المره الثانيه كان في دوره بعيد عني وأكتشفت أنه نفس الشئ يكلم وحده وهات يادردشة وضحك وسواليف ولما أكتشفت كلمته بكل صرامة وأنا بطبعي شخصيتي قوية وقلتلة بكل بساطة(أنا أبغى أطلق) وبعدها قطعت كل أتصالاتي معه وقفلت الجوال وتفأجأت أنه يدخل أخته تتوسط ويعترف بخطئه وأدعى أنه كان يكلم البنت عشان يشوف وش وراءها.....وبرضو سامحته لأني أبغى المركب يسير على قولة أخوان المصرين (بس بعد ماقطعت قلبه من الصياح والحلوف أنه مايعيدها لأنه حس أني بايعتها).......المره الثالثة برضو أكتشفت أنه يراسل وحده على الجوال لا ومن قوة العين مسميها على أسم واحد من أصدقائه لا ويوريني رسايلها ونكتها على أنه من صديقة ولما بينتله بهدوء كذبه قال نفس الشئ أن أبغى أستدرجها عشان أشوف من وراءها ومن دازها ولما قلتله أني لو سويت الي يسوي ماراح يسمى أستدراج قال أنتي غير.........وبرضو مشيتها......المره الرابعه أكتشفت وسمعت بأذني كلامه المعسول وكلمة حبيبتي الي دوشني وهو يقولها لي أسمعه يقولها لوحده ماتسوى .......المره هذي أتخذت موقف نهائي طلعت بعد الأستخارة بلغت أهله وأهلي قطعت أتصالتي به بقيت عند أهلي شهرين كان موقف أهله مفاجئ لي بل وصدمة أتهموني بالتجسس على أبنهم وأنني أختلق المشاكل وأتبلى عليه وأن العيب يمكن أن يكون في.......مع العلم أنه وبأعترافه الشخصي وجد عندي الحياة التي لم يكن يحلم بها.......والحب والحنان والجمال والأهتمام وأنني كاملة والكاملة وجهة سبحانه وتعالى.........وبعد وساطات وشد وجذب وأنه ضاع من بعدي ونقص وزنه وكيف سوف يتشتتون الأطفال قررت أعطيه فرصة..........وبعد رجوعي بشهر واحد فقط أكتشف أن( ريما عادت لعادتها القديمة)..........عموماً أنا مشاعري تبلدت من ناحيتة وأقدر أعيش بها الطريقة لكن السؤال هو وش يضمن أنا ماينقلي مرض........
حبيبتي ريانة العود مشكورة والله لا يذوقك حرة الخيانة.
حبيبتي أم ريما الصغيرة: والله أني حاولت بكل الطرق والوسائل الي تتخيلينها بس مافيه فايدة بس القضية قضية أدمان معاصي وبس...ذكرته بربي سمعتة أشرطة تتكلم عن الزنا تقشعر لها الأبدان أمثال (دقة بدقة ولو زدت لزاد السقاء)ويتأثر تأثر مؤقت ويعود حكيت له العديد من القصص والروايات عن سوء الخاتمة وعن الذنوب وأثارها....وياليت ترسلين الرقم الي قلتي علية.....
حبيبتي Nawalsaad :
أنا عارفة وأنا أختك أنه معاد فيه أحد صاحي وأنه قل الخوف من ربي
أختي Wallah:
والله كلمته ناقشته بكيت بين إيديه قلتله وش فيني شئ مو عاجبك أعدله مرضت حزنت أكتئبت.......وهو على طول الخط يذكر أنه مظلوم
أختي ياقساوة قلبهم:
ماخلية شئ.......
أختي شيوخ العز:
أنا صارمة وهو يخاف وينكر وش الفايدة وأنا رحت عند أهلي بزعل أشهر ثم في النهاية بيرجعوني له بحجة أنه بيعقل.....وأصبري عشان عيالك....وغيره من كلام الأهل الي يبون االستر لبناتهم......والظاهر هذي القضايا صارت في المجتمع مثل شرب الموية....عموماً أنا المرة هذي متخذة معه أسلوب المقاطعة أهو في مكان وأنا في مكان وما أشوفة طوال اليوم الا لما يدخل عشان ينام..ولا لما أحط له غداءه أو عشاءه ومابينا أي حوار.......ومعاد يهمني حتى لوكان أسلوب خطأ أبغاه( يزهق ويطلق ولكنه يقول لو تسوين الي تسوين ماراح أطلق وبخليك معلقه ومافيه قوة في الأرض تخذك مني......

يابعد عمري انتي

الله يصلح حالك ويرفع عنك ويسعدك يارب

بدعي لك بصلاتي

يارب يارب يارب

عزيزتي انتبهي له لاتفرطين في زوجك صار لك منه 2 وباين عليه يحبك والا ما كان رجعك كم مرة
انصحك لوجه الله:
لاتتركيه
اشغليه فيك وفي اطفالك باسلوب مناسب
ارسلي له رسايل حلوة وفيها غزل
كلميه لما يطلع من البيت تطمني عليه
روحي معاه زيارات عائليه لاهلك وأهله
لما يكون في البيت خليك بجنبه على طول بالاهتمام .........
سوي تحدي بينك وبين نفسك في كسب حب زوجك اتبعي نفس اسلوب هؤلاء البنات معه كلميه ارسلي له
اعزميه لمطاعم لايشغلك حملك عن زوجك
وهذي هي عاصفة بسيطة بعد الزواج وراح تعدي
واتمنى لك السعادة
لا تخلي زوجك اكبر همك
الله ثم اطفالك ثم زوجك بلاهتمام والحب اللي يدور عليه وما أظنه الا يكلم وبس لا تخافي
ادعي له اسرارك لاتطططططلع برا الله يوفقك

الصراحه انا ماعندي علم بهالاشياء لاكن كم مره اقرى مواضيع عن نفس سالفتك والكل يقول نزوه وهي فتره وتعدي ودايما اغلب الرجال اذا كان من 25 الى بداية الثلاثينات هذا شغلهم ما عندهم شغل يعني باختصار نزوه وتعدي ...

اول شي لازم يعرف ان هالشي حرام وما يجوز قوليله تخاف ربك لاتكلم بنات الناس وانت ما تعرفهم حتى لو بالتليفون لان هذا يعتبر من الخلوه المحرمه في الاسلام يعني اهم شي تدعين له بالصلاح وان الله يصلحه و دايما ترشدينه و تادين دورج كزوجه في الارشاد والتوعيه و النصح واهم شي بالجانب الديني ...

ووفقك الله لما يحب ويرضاه و هاا هالله هالله بتربيت عيالج التربيه الصالحه ترى محد بينفعكم خيرهم لي كبرتوا فربوهم على بر الوالدين على السمع والطاعه و تخويفهم من عذاب الله ..

اتمنى ان اكون وضحت النقطه اللي في بالي ..

تحياااااتي لله

حبيبتي ... انا من رايي انك تروحين لأهلك الفترة الجايه وتبعيدين عنه ..و تخلينه يشوف حياته بدونك وانت تشوفين حياتك بدونه..واذا بعدت عنه وعن وجهه وتأثيرة القرار يكون سليم...شوفي يمكن تشتاقين له..او يمكن تكرهينه...فترة البعد هذي راح تفيدك في تحديد شعورك تجاهه وعليه تبنين قرارك
لاترمين كل اللوم عليه ..راجعي نفسك وتصرفاتك احتمال يكون فيه تقصير انت سويتيه معاه خلاه يدوره عند الغير وانا ما أبرأه لا هو غلطان بجميع الاحوال...لكن برضو راجعي نفسك..

عموما الله يهديه ويرجعه ويسخره لك ياحي ياقيوم ..