صح يمكن يبي يحس انج خايفة عليه

الدخان حرام؟؟
ممكن اخواتي أي دليل سواء من السنة النبوية او القرآن؟؟

لكم تحياتي

قمورة البحرين
الدخان ماورد تحريمه لا بالكتاب ولا بالسنه ولكن الله تعالى امرنا بعدم القاء النفس للتهلكه ومن هذا المنطلق اجتهد العلماء وحرموا التدخين لانه مضر بالصحه ويسبب الامراض وقد يؤدي الى الوفاة

وايضا ورد بالقران الكريم تحريم الخمور والمخدر والدخان يوجد به نسبه من المخددددر

اي نعم تصرفج صحيح.. :)

واذا زوجج كررها.. ودخل بعلبة سجائر ( لا سمح الله )..

اقعدي معاه وخلج قريبه منه.. وقوليله بكل هدوء..

ترضى على نفسك الحرام يا (فلان)..؟؟

وكلميه شوي عن حكم السجاير لكن بطريقه غير ممله.. مع اني اعتقد ان كلمة حرام بروحها تكفي وتخوف..

بعدين قوليله..

ترضى تدخل سموم في جسمك..؟؟

ترضى تدخلها في جسمي..؟؟

ترضى تدخلها في اجسام العيال ( اذا في يذكر كل واحد باسمه ) عشان هذا يزود الشعور بالذنب..

بعدين قربي منه اكثر وقوليله بكل رقه انج تبينه يتمتع بالصحه والعافيه طول عمره.. حتى لما تكبرون تبينه يكون انشط جد وتكون صحته زينه عشان يلعب مع احفاده..

او قوليله بنعومه.. تخيل لو صار كذا ( واذكري احلامه وامنياته للمستقبل..مثلا تخيل شرينا بيت كبير.. فيه حديقه كبيره.. وعندك مرسيدس اخر موديل.. وصحتك زينه لانك حافظت عليها وما شوهتها بالخمر او الزنا او السجاير او المخدرات).. ولا تذكرين السجاير اول شي خليها بالنص..

بعدين قربي منه اكثر.. وكوني جريئه بحركاتج شوي..بعدين ابعدي عنه شوي..
وقوليله بدلع.. ريحتك مب حلوه بسبة هالسجاير وياليت تقوم تتسبح الحين وتبدل ملابسك..وتغسل اسنانك بالفرشاة والمعجون..

قوليله بعد انج كنتي تحبين ريحته قبل وانج مفتقدتها بسبة العلبه هذي..

خليه يحتقر علبة السجاير بكل الطرق الي تشوفينها مناسبه..

وقوليله بعد انه مايحتاج يمسك العلبه هذي عشان يثبت رجولته.. لانج تعرفين انه رجال وان رجال العالم كلهم ما يسوونه..وامدحي فيه ودلليه..وتدللي عليه..


وحطي في بالج شي واحد.. مثل ما المره ممكن تخرب زوجها... ترى بيدها تصلحه بعد..

ان شالله السيناريو ينفعج ياقلبي :)

والله يبعد عنكم كل شر

اسأل الله ان يعافيه مما ابتلاه ويشفيه ولا يبلانا

اختي تصرفك سليم مادام رد الفعل لم يرجع عليك بالسلب فانتي ادرى بشخصية زوجك وطريقة التعامل معه

لكن احببت ان اؤوكد عليك بضرورة مجاهدتك في ابعاده عن الشلة التي يختلط بهم

والله الهادي