زوجي أناني

أنا متزوجة من ثلاث سنوات وأربعة شهور وزوجي عنده عيال من قبل عنده ثلاث بنات من زوجته الأولية بس طبعا مطلقنها وأنا هذا زواجي الثاني بس أحس اني مالي حظ مع الرياييل ما أدري هذا ابتلاء ولا انا مقرودة -- المهم زوجي في اول ايام زواجنا كان يخليني اطلع السوق وفترة كنت وايد قريبة منه لدرجة اني ماكنت ازور اهلي عشان اكون وياه تخيلوا شو كان يقول لي --- اف اف انت مول ماتطلعين كل لاصقة فيني كل تبين تكونين وياي اطلعي زوري صديقاتك زوري اهلك وكنا عايشين في شقة وماعندي خدامة وكل شغل البيت كان على راسي أقوم من الفجر اسوي له اكل وآخرتها يصدمني بها الكلام والله اني مت من القهر وكنت ابا اسوي اي شىء عشان انشغل عنه وسرت وسجلت في نادي سباحة يوم عرف سوالي سالفة عريضة وطويلة والله ما عرفت له والحين انتقلت لبيت جديد وصار عندي خدامة تخدمني وانا نادر ما ادش المطبخ لاني موظفة ابا الراحة شوية كل يوم على الغدا او العشا في تعليق على الاكل لاين ماعرف السبب انه يباني ادش المطبخ اوكي السالفة الثانية كل ما بغيت اطلع يقول لي انت كل تبين تطلعين شو انت مب حرمة بيت انا لو اعرف انك تطلعين وايد كان ماتزوجتك صار يهددني عشان ما اطلع يعني شو الحل برايكم مب عارفة شو اسوي معاه .