زوجي أهاني

السلام عليكم ورحمة الله وبركاته

أنا متزوجة وعندي بنت الله يحفظها زوجي انسان طيب لكن مشكلته عصبي جداااااااااااااااااااااا لدرجة مااقدر اناقش معه موضوع بهدوء مشاكلنا كثيرة وكنت أحيانا أفقد أعصابي واشتمه ولكن والله اتندم واعتذر منه وأهلي يكلمونه ويتأسفون له عن اللي صدر مني ويرجع يروق ولله الحمد زوجي لما طلعت من النفاس اقوله خليني اروح انام عند أهلي كم يوم أنا نفسيتي تعبانه يرفض ومايرضى يقول من حقي بنتي تنام في بيتي ومافيه سبب كبير يخليك تنامين عند أهلك ولا يوم هو صح مو مانعني عن زيارتهم متى ماحبيت لكن جد انا نفسيتي تعبانه ونفسي اروح عندهم كم يوم ... ام زوجي ساكنه في قرية برى الرياض ومن ولدت جابها زوجي عنده وإلى ألحين وهي جالسه عندنا وراح تجلس إلى العيد هي مره صالحة وطيبة لكن مشكلتي بناتها كل يوم والثاني جايين عندي بحجة يشوفون امهم وانا متضايقة من هالوضع كثير .. من يومين قلت لزوجي بطلب منك طلب وابيك ماتزعل وكان لسى داخل من العمل قال قولي .. قلت بروح عند أهلي كم يوم عصب وثار وقال روحي مثل ماتبين وارجعي لوحدك ماراح ارجعك قلت له مابي اروح وانت موراضي عصب وقال لا ترجعين الا اذا احد من اهلك كلمني قلت انا تعبانه وطفشانة قال من ايش قلت من كل شي قال يكفي اذا دخلوا اخواتي والا انتي قالبه وجهك :44: وامي تحترمك وماعمرها ضرتك بكلمة وش متعبك انا انفجرت وقلت طفشت ومليت واخواتك يضايقوني ( وحده منهم هو عارف اني مااحبها لأنها كثير تتكلم فيني وهي اللي له انها تضايقني ) قال اختي ماظلمتك انتي ماتحبينها وجلس يهاوش وبعدها قال ترى اخواتي ألزم علي منك ويهموني اكثر منك :( قلت له ابي اتطلق :mad: ( قبل كنا نتهاوش واذا تهاوشنا قال بنتي لا تطلع من بيتي وانتي بكيفك ولما ترضينا وعدني ماعاد يقول بنتي لا تطلع ) عشان كذا ماقال باخذ بنتي قال بكيفك بس اذا طلقتك باخذ بنتي اشوفها قلت خلاص اوديها لك عند بيت اخت الكبيرة ( عشاني احب اخته هذي ) قال موب انتي اللي تحددين وبيت اهلك مابي اشوف بنتي فيه مايشرفني ادخله وعصبت وتهاوشنا بس الله يشهد ماقلت له ولا لفظ موب زين او سبيته وقلت خلاص انتهينا وانا اصلا تعبانه نفسيتي ولا ماقصدت اقولك طلقني وحبيت راسه ,, وكنت قايله له قبل مايروح للعمل ابي اروح لأهلي ازورهم ووعدني يوديني ,, قلت الحين ودني اهلي وتعال بالليل خذنا ,, طلع وداني قال لو بترجعين بدري اتصلي علي واذا بتتاخرين خلي اخوانك يجيبونك لأني بنام ,, انا دخلت وجلست اصيح وشافني اخوي الكبير ( هو اللي دايم يكلم زوجي اذا تهاوشنا ودايم واقف بصف زوجي ) وقلت له وش قال لي زوجي ,, قال ماعليك منه انا ألحين بكلمه وراح اخوي وكلمه وهاوشه ليش يتطاول علي ورد عليه زوجي وقاله زوجي آخر شي انا قايل لها اذا تبي ترجع تتصل علي ,, قال اخوي لا ماراح تتصل اذا انت تبيها اتصل انت عليها ,, وقال اخوي لي لا تتصلين عليه واذا اتصل عليك روحي معه ,, واتصل علي يمكن 8 ونص وقال يلا انتظركم عند الباب ورحنا البيت وجلس وهو كأنه متفشل وجلست اسولف مع امه وطلع للغرفة ولما طلعت بعده جلست اصيح وهو مسوي نفسه نايم وقلت له اخوي مااتصل عليك قال الا وقلت له انك استفزيتني شوفي لما قلت بيت اهلك مايشرفني وش انتي قايله قبل جالسه تناقشين معي طلاقنا :mad: قلت له تراني طفشت من الناس اللي كل شوي جايين بيتنا .. قال مايجينا غير امي وامي لااحد يكلمني فيها قلت اهلي مو قالوا لك لا احد يسكن معي لما تزوجنا ,, قال قلت لك امي موب احد وهي جايه زيارة ولو جلست 8 شهور فهو بيت ولدها وسكت انا ونمنا من بكرة عادي تكلمنا مع بعض لكن انا الى الحين مقهوره منه ليش يهيني ,, بذمتكم يابنات له حق ويستاهل اسامحه بسرعة ؟؟؟