زوجي أيها الضيف الخفيف

ندمت لأني ما اشترطت على زوجي من البدايه أني أكون عايشه معاه في بيت واحد !!

زوجي يشتغل في مدينه بعيده تبعد عن مدينتنا 4 ساعات

يروح الجمعه و يرجع الاربعاء .. يرجع لنا أنا و بنتي مثل الضيف يومين يلبي

فيها حاجات البيت و يقضي أشغاله و يروح و هذا حالنا من تزوجنا من سنتين

قبل عقد القران أكدت لي أخته انه بياخذ لي شقه في المنطقه اللي يشتغل فيها

لكن بعدها قال لي أن ظروفه الماليه ما تسمح .. الشقه من الأشياء اللي يوفرها له

شغله لكنه يستغل المبلغ بقضاء الديون أو يسلف أحد محتاج.

عنده فرصه أنه ينتقل الى مدينه أقرب و الشقق فيها أرخص لكنه مب راضي

يقول يا اما في مدينتنا يا اما لا ..

أنا مليت من العيشه اللي عايشتها .. الزواج يعني الارتباط وانا تزوجت عشان يبتعد

عني زوجي

في كل مره يروح فيها أتضايق و أصيح و يا اما نمت و دموعي على خدي و الله العالم

بحالي ..بنتي يا ما تمرض في غيابه و أدور على أي أحد يوديني المستشفى

ضاع دور الأب في كل شي احتاجه و أطلب من غيره انه يوفره لي

والله اني مرات أصيح لأني أفتقد الحضن اللي ممكن يلمني و أصيح على صدره

أكتب لكم و أنا أصيح من قسوة الحال اللي أنا فيه ..

الله يخليكم ساعدوني بأي فكره او اقتراح ممكن أنه يغير مجرى حياتي القاسي

و لا تبخلون علي بنصيحه مهما كانت صغيره