يا عزيزتي ..
حطي في بالج ان الرجل صار كائن كسول .. ما أعرف ليش بس يمكن المكيفات أثرت عليهم خخخخ ..
لا تتوقعين انه بيسحب عمره وبيمرج وهو جاي من طلعة وناسة .. خاصة انه لقى بديل اللي هو اخوانج يجيبونج ..
لو تبين تحلين المشكلة لازم تغيرين العادة ..
كيف تغيرينها بانج تعيدين برمجته شوي شوي ..
موضوع انج تروحين لأهلج وهو يتصرمح في المزرعة اسبوع هذا خطأ فادح عودتيه عليه .. اقبضي ارضج واقعدي في بيتج .. تعذري عيال اخواني مرضى .. اهلي يتضايقون .. أنا ما عدت أقدر على قعدة بيت أهلي .. اختلقي اعذار واقعدي في بيتج
ولو قال يبا يروح ومصمم .. قولي له روح الله يحفظك وانا انتظرك هنيه .. وحتى لو اختلق مشاكل تكلمي بكل ود وبدون عناد وارفضي الروحة عند اهلج نهائيا للمبيت ..
بيروح اول مرة يومين .. وثاني مرة يومين .. وثالث مرة يوم .. واللي بعدها نص يوم ..


بعدين ابدي انتي خذي من وقت المزرعة يوم واحد لعيالج .. ويوم لزيارة أهلج وهو معاج خليهم يعزمونه .. ويوم روحي انتي لأهله .. ويوم اعزميهم .. خليه يشوف الحياة الاجتماعية للزواج .. بيترك نظام العزوبية ..


وارجع أككد لج بالابتسامة والاقناع والكلمة الحلوة .. وبالصبرررررررر إلى ما لا نهاية الصبر بتلقين صد وكلام جارح وقسوة وخليج على موقفج


وربي يوفقج

انتي لاتحسسينه انك ميته عليه خليه هو يدورك ووضحيله انك مستانسه عند اهلك وفالتها

مدري لكن لو انا أحس مو كل مره بروح عند اهلي ...مرات بانشغل في بيتي اجدد فيه شي او العب مع عيالي واسليهم واسوي اي شي كنت اتمنى وقت الفراغ علشانه واقرا قران ... وطبعا مو كل مره اختار بيتي ... احيان الافضل تروحي لاهلك وتاخذي احتياطاتك من الملابس وكل شي وتعاملي زوجك بالطيب ولا تطفشيه بالاتصالات و التحقيق ليش ماجيت وماحنيت لكن في نفس الوقت لاتخلي اخوانك يودوك بيتك خليه الييين مايجي هو ولاتجيبي طاري اخوانك الا اذا هو طلب هنا شوفي اذا سبب غيبته مقنع وضغط عمل مافي مشكله مره مرتين غير كذا انتظريه وتعذري لاخوانك باي شي .. الله بهديه ويسخره لك

بالمختصر خففي زيارات لاهلك خليها مرتين بالاسبوع بالكثير وهذا وجهي اذا ما صار يجيبك ويرجعك صدقيني اما شبة يوميا ببيت اهلك اسمحيلي يخليه يمل من توديتك


وبالنسبة للطفش ياختي هذا وانتي ماشاء الله عندك اطفال وطفشانة انا متزوجة وللان مالله رزقني بالذرية ولكن فيه مليون شغلة تشغلني وما ازور اهلي الا مرتين بالاسبوع منها اشتاق لهم ويشتاقون لي وفيه سوالف اقولها وبنفس الوقت الوحدة ما ترتاح الا ببيتها
هذا رأيي اعجبك كان بها ما اعجبك الله يصلح حالك وييسر لك

يارباه شكلك ادققي ع ادق التفاصيل ترى بتنكدين عليه ثم يكرهك .. يمكن فعلا تعبان مافيها شي اذا اخوانك يرجعونك
بالتوفيق