زوجي ابو سطوح تفتكروا القصه الحمدلله انحلت

السلام عليكم ورحمه الله وبركاته

اغلب البنات هنا يعرفوا معاناتي مع السطوح زوجي يطلع فوق ويجلس بالساعات يدخن وماعرف ايش كمان يسوي

يوم الربوع خرجنا نتمشي

ورحنا السوق نشتري عشاء ولمن بعدت انا هوا كان يطالع في وحده لين ما طلعت جوالها وسارت واقفه جنبه وانا شايفتهم من بعيد

المهم اني رحت له ومسحت فيه البلاط قدام الناس

وجلست ابربر على راسو لانى الاحقاد عليه اتراكمت

وجاء الخميس يحلف انه ما يطالع فيها وان وان وان يبرر مواقفو

طبعا كانت فرصه اني افضفض له بكل شي

وقلت عن موضوع السطوح وكل المواضيع اللي انا متضايقه منها من ضمنها السطوح

قلت له الناس كلها مبسوطه يرجعوا لرجال من الدوام يجلسوا مع اهاليهم الا زوجي مرابط فوق وانا اطحن في نفسي ايش يسوي فوق ويطالع اكيد في الشبابيك المفتوحه

وجلست اقرقر


وقالي السطوح مطين عيشتك خلاص خدي المفتاح ودسيه هوا كان بره البيت الكلام دا بالجوال

وطبعا ما صدقت خبيت المفتاح

خلاص من اليوم ماعاد فيه سطوح الحمدلله انحلت وطبعا يحلم اني اعطيه هو

وحيدخن في الحمام بلا سطوح بلا هم

مادري يمكن وحده فيكم دعت لي وانقبلت دعوتها مادري

البنت اللي كان يطالع فيها زوجي كان وجودها خيره بسبب مشكلتها انحلت معضله كبيره في حياتي

صبرت سنتين سنتين اطحن في قلبي

الحمدلله خلاص معد بشيل هم الحمدلله


والاهم من كدا انى ما نزلت ولا دمعه ولا طبخت ولا اشتريت له اكل من السوق اشتريت لنفسي واكلت قدامو ونام هوا جوعان والصباح ما سويت له فطور جاء بيخرج ما كويت له ملابسه له خليته عايش اعزب وجوعان وفوق كدا رميت له الولد يجلس يمسك فيه وقلت له بروح لاهلي


بس امسك النونو اوقات الرضاعه والحفاظه والباقي كلو هوا


خلال نص يوم خليتو يعرف ان الله حق