زوجي ، ابي اكرهه !

السلام عليكم ورحمة الله وبركاته

بنات انا متزوجه من سنه ، 
تزوجت واحد شاعر وكل صديقاتي حاسديني عليه انو شاعر وكله رومنسسيه وبيتغزل فيني 

بعد الزواج انصصدمت 
مافي رومنسيه كلش ولافي غزززززززل ابداً 
ولاعمره قصد فيني الا مره وبيتين ويلوعون الكبد 
مو زي شعره الي اقراه بتويتر وغزله (مايدري اني اتابعه) 



طبعاً هالفتره اكتشفت انه يحب وحده متزوجه تعرف عليها من 9 سنين يمكن 

اشوف الانستغرام حقه الصور القديمه كلها تعليقات منها وانستغرامها كذلك نفس الشي 

وبتويتر حقه لما دققت في شعره طلع كله عنهااااا 
وان الدنيا فرقتهم غصب وياليت تجمعهم من جديد 
ويتغزل فيها وبدلعها وبولدها 

وكل يوم يكتب صباحكم ( اسمها ) مسائكم ( اسمها ) 

من اجل ( اسمها ) 

قهرررررررني 


عييييب علييك يعني اخواني وعيال جماعتنا كلهم عندك بتويتر والانستغرام عيب تتكلم قدامهم كذا 
بغض النظر انو هو متزوج ويتغزل بغيري


البنت متزوجه من زمان وعيالها كبار بالابتدائي 
ليييييش للحين متواصل معاها وهيي وشووو ما تخاف ربها مره ومعيله كيف تخون زوجها 


والحين اشوفه يسولف ب(الاسك ) مع وحده 
وحيييييل حيييييل صدمني اسسلوبه 
كله رومنسسسيه وكلام يجنن 

انا اتمنى حييييل يقول لي كذا حتى لو بالواتسب 

طبعاً اهلي يسمونه البطل الصامت لانه مايتكلم معاي بالواتسب كلش واذا كلمته انا ( يرد علي كلمه ورد غطاها) او ما يرد حتى ولا في مكالمات بينا اذا كنت في بيت اهلي (على بالي طبعه كذا ) بس بعد ماشفت خرابيطه انصصصدمت لا طبعه كذا ولاهم يحزنون المشكله احس انه يحبني ليه يسوي فيني كذا ما ادري


طبعاً هو تعامله معاي زين بس مافي رومنسيه كلششش

ولا عمره من تزوجت قال لي يا عمري ياقلبي او ( حبيبتي ) 

يقول دلع اسمي بس 

طبعا من تزوجت وانا في بالي ان حنا عاشقين وعايشين قصة حب وانو طبعه كذا مايحب يتغزل فيني بس بعد ما اكتشفت هالاشياء احس اني ولا شششششي بحياته 

ولا ششششي 

وانو يعاملني كذا من طيبه 
مو عشانه يحبني او شي 


وهو مره غلط بحقي وزعلت وصديت عنه وقعد يبكي (هالموقف اول شهر زواجي ) كل ما تذكرته اقول يحبني ويموت فيني ولا كان ما نزلت دمعته عشاني 


ولما اشوفه اشعاره وكيف يعشق حبيبته السابقه ويموت فيها اقول لنفسي مايحبك وكأنه حالف مايقول كلمة (حبيبتي) لاحد غييرها 



الحين ابيكم تخلوني اكرهه 
لاني اعشقه بشكل مجنون وغبي 
ومايستاهل كل هالمحبه والله 
ابي اتجاهله ششششششلون ؟ 

والله مرات ابكي ع حالي لما اشوف نفسي اركض وراه مكالمات وواتسب وهو مطططنشني 
 
يوم زواجنا بعد 3 اسابيع ويصادف يوم ويكند والاسبوع الجاي اطلع من النفاس مفكره اني ما احتفل معاه ب هاليوم ولا اعطيه هديه ولاشي  .. 

ابيه يحس انه ما يهمني 
غير كذا ودي اغير تعاملي معاه اذا طلعت من النفاس 
ودي اتجاهله وما اهتم فيه كثيير ( لانه دايم يقول : انا من ناحيتك ضامن مكانتي بقلبك وواثق ) وهو ما كذب بس ابي ابين له اني تغيرت وابيه هو الي يركض وراي مو انا اركض ورا سراب 


حسبي الله على العدو 
اذا يحبها ويعشقها هالكثر ليش يتزووووج 
ويبلش بنات الناس 


يا ليت الي ترد ترد بشي يفيدني 
واللي تشوف الموضوع مو مهم ياليت ما ترد 

لان هو مو مقصر فيه عيوبه بس انا تطرقت لهالشغله بالذات لانها حيل حيل حازه بخاطري