زوجي اتعب نفسيتي وانا مريضة

اهلين بنات

مني عارفة من وين ابتدي زوجي الله يهديه كل وقته في الاستراحة مايعرف بيتنا الا وقت النوم بس

المهم كل ماطلبت شي واهو يتغذى معنا لان هذه فرصتي لاني ماراح اشوفه بعد الغذاء قال تلوميني بقعدتي بالاستراحة يعني من اللي بيجيبه لنا ابو الجيران
والا يقول كل شي علي وين اخوانك وبيت اهلي عنا ب5كيلو
متعمد على اخواني انهم يودوني للمناسبات والتمشيات وربي انا لي تسع سنوات وانا متزوجة والله ماوداني للزواجات الا ثلاث مرات بس والا كلها مع اخواني و كلهم تزوجوا مابقى الا واحد وربي خايفة ان الاخير يتزوج لاني من بعده راح انجن
غير انه يخليني انوم كل اربعاء وخميس عند اهلي اجباري مو برضاي
بنات حسوا فيني
دائما بعصب علي ويقول وين وقفة اخوانك معك لاني مريضة سرطان يقول ليش انا اللي دائما اوديك للمستشفى قلت انا ماارتاح الا معك واخواني كلهم مداومين وانت ماخذ لك اجازة شهرين وجالس في الاستراحة
يعني وش وراك وقام يسبني وقال اخوانك واخوانك قلت انت تكره اخواني قال انا قلت بلساني قلت له يكفي كلامك عنهم
تخيلوا بعد مرضي كم شهر اخوه طاح عليهم تعب وصار زوجي اللي واقف معه واخوانه ماحد فكر فيه حتى مايوديه للمستشفى الا هو
قلت له سبحان الله ربي ماتعب اخوك الا من كلامك القوي عن اخواني طيب وين وقفة اخوانك مع اخوك قال ان اخوي ماارتاح الا لي سبحان الله نفس كلامي انا ماارتحت الا لك ماابي اخواني ثمن قال لي بس اخواني حريصين يبون يودنه للمستشفى بس انا عيت قلت لهم مو موديه الا انا قلت له حتى اخواني ماقصروا قالوا لي بس قلت لهم عندي زوجي قال لي انتي كذابة ولو صدق مهتمين فيك كان اتصلوا علي وقالوا بنوديها


بنات والله العظيم انا نفسيتي تعبت منه صار معتمد على اخواني في كل شي حتى روحتي للمستشفى دائما يهواشني في السيارة يقول وين اخوانك عنك

بنات من شوي بنتي قالت له بابا نبي نروح نتمشى قال لها خلي خوالك يمشونك انا عصبت وقلت له ليش كل شي اخواني انا متزوجتك انت والا متزوجة اخواني جلس يسبني ويلعني
وقبل مايطلع قال انتي اللي تخلين الواحد مايجلس في البيت يطلعله حجة عشان مايقعد في البيت وطلع واهو ينافخ في اسياب الشقق لان عنده الحياء صفر

بنات قولوا لي وش اسوي والله العظيم حتى خواتي ماعمري تشكيت عندهم

والله نفسيتي تعبت منه ادعوا لي ان الله يسخره لي