السلام عليكم اخباركم صبايا
انا متزوجه لي سنه كامله وعايشه مع زوجي حياه جميله كلها حب والفه وتفاهم ورحمه وود وماشاءالله علاقتنا من احلى مايكون
الي صار اننا نزلنا جده نتمشى ورحنا فندق المهم اول ماوصلنا رحنا مطعم اتعشينا وبعدها رحنا عالبحر جلسنا ونحن راجعين الفندق زوجي راح الرسبشن عشان يجدد الحجز وانا رحت جلست بكرسي صاد بالرسبشن وكان في ثلاجه قهوه الكترونيه جلست اتقهوى عليها وخلص زوجي وجدد الحجز وناداني وماانتبهت له بسبب اني كنت ماسكه جوالي واشرب بقهوتي المهم يوم ناداني للمرة الثانيه انتبهت وجيت عنده ولكنه كان زعلان مني يقولي اناديك قدام حق الرسبشن مرة ومرتين و٣ و٤ مرات مااتردين علي مطنشتني المهم ناام وصحيت انا الساعه٧ وكنت ميته جوع وابغى افطر واحنا حجزنا الفندق شامل الافطار المهم صحيتهةعشان نطلع فوق المطعم ونفطر وقالي انا ماابغى فطور قلتله طيب انا جوعانه بطلع افطر فوق بالمطعم وبرجع قال لي كيف تروحين لوحدك ولو كان في شباب بالمطعم يعني تختلين فيهم قلتله اي خلوة والمطعم مليان عوايل ونت شفته لاننا افطرنا اليوم الي قبل بالمطعم المهم قال انتظري بروح معاك وقام وهو زعلان ويتحسب علي المهم طلعنا وافطرت واهوماذاق الفطور ابدا
المهم بعد مانزلنا الغرفه واول مادخلنا الغرفه جلس يقولي انا عارف انك امس يوم انادي فيك ومطنشتني كنتي تستعرضين لموظف الاستقبال واتهمني اننا يوم واحنا بالبحر اني لفيت على مجموعه شباب وواحد منهم قعد يطالع فيني وقالي بالحرف الواحد لوماطلعت معاك للمطعم فوق وشفتي الشباب الي كانو يفطرون فوق بالمطعم متاكد انك راح تقعدين قدامهم وبالنص وماراح تروحين بالجلسات الي عليها غطى وراح تكشفين وجهك وتفطرين قدامهم؟!شايفبن الظلم ي بنات المهم بكيت وانحرق. قلبي منه قلتله خلاص طلقني دامك مو واثق فيني ولابتربيتي ولاباخلاقي ابدا ورحت بيت اهلي واليوم راسلني يبغاني ارجع قلتله لا مستحيل ارجع لك وبتطلق منك ابغى ورقه طلاقي توصلني رجاءا خاص
وتبون الصدق ي بنات انا افكر اكسر ظهره واطلب رضوة ماديه انه يحول لي ٥ الاف ويوديني مكه اخذ عمرة .!وش رايكم اخاف ياخذ فكرة عني اني ماديه ؟!وايش رايكم بالظلم الي ظلمني ياهةحسبي الله ونعم الوكيل ؟! الصراحه ماودي اتطلق واخرب بيتي وبنفس الوقت نفسي اعطيه درس عشان يتوب ويحرم يعيدها اويكررها واقسم بالله ي بنات اني ماادري وش شكل موظف الرسبشن ولاطالعت فيه ولاادري كيف شكله+اتهمني اني لفيت على مجموعه شبابىبالبحر وواحد منهم قعد يطالع فيني والله انه ظلمني ظلم شنيع وقهرني وحرق قلبي اعطيته كلام قوي بالواتساب بس احسه موكافي ابدا ي بنات ابي رايكم بموضوع الرضاوة وابي طريقه تخليه يتادب ولايظلمني ظلم شنيع زي كذا
هيله زعلانه @romanan333
عضوة نشيطة
يلزم عليك تسجيل الدخول أولًا لكتابة تعليق.
والله ي ساره ان زوجي عاقل ويخاف الله ومصلي وملتزم ويغض بصرة دايما ويخاف الله سبحانه ولاعمري شكيت فيه استحاله ان يكون له علاقات مع النساء لاني متاكده منه وشايفه جواله وكل حياته معاي وانا اصغر منه ب٢٢ سنه واخاف الله واراعيه وصاينته ولاادري ليش يسوي كذا ؟!
وجهة نظري زوجك مخطئ كان لمفترض يوثق فيك كل إنسان يخطئ وظاهر انه غيور وهذه صفه حلوه إذا كانت بإعتدال مادامة اعترف بخطأة سامحية لاتتطلقي الطلاق ماورآه إلا الخراب ومثل ماقالت الاخت هذا زمن شباب عقولها مليانة يشوفو مواقع التواصل خيانات وغدر نسأل الله السلامة الله يهدي الجميع
meshi
•
انا مع الاخت ساره فعلا جيل هالوقت تفكيرهم كذا من كثرر ماسمعوو وشافوو ممكن بعيونهم البنات انتي لساتك ببدايه الطريق لا تخلي كلمه الطلاق هينه وكل ماصار شي طلقني بعدين تهون عليه الكلمه وعليك هو غلطان ودامه غلطان اكيد راح يحاول انا اشوف ممكن تطلبي عمره لكن باذن الله بتلاقي الهديه والرضوه الي تسرك بدون ماتطلبيها الله يسخركم لبعض ويصلح مابينكم
الصفحة الأخيرة
انا وانا بنت يشيب راسي من ترندات التيك توك كلو كلام عن العلاقات المحرمه وخداع الاهل🤕
عاد لو طلبتي رضوه ولا ماطلبتي براسه حب يبغاله طحن(مع العشره بيعرفك كويس وتصيرين اهله اللي يوثق فيهم🫀)