زوجي احبه لكن مدري وش فيه..!!!

زوجي ذبحني وش اسوي معاه احبه وماودي اشكيه لاحد
كل ماطلبت منه شيء قال ماعندي فلوس اوكي مشيتها الشهر ذا وكمان الشهر الجاي نفس الوضع يقول الظروف ماتسمح ولايعلمني وش هالظروف بالرغم انه ميسور الحال راتبه فوق عشرة اللاف واغراض المطبخ ما اكذب يجيبها بس بعد ماتطلع روحي
ولا يحب يطلعني اقعد اشحذ وابكي ايااام حتى يطلعني والله قعدت في البيت وربي يشهد 6شهور مااطلع الا للمستشفى وارجع لان كنت حامل و ممنوعة من كثر الخرجات ولايجيني احد من اقاربي ولايخليني اعزم احد لو كلمني احد اقاربي قال بجي ومكلمه يقولي لاتستقبلينه حتى مر عيدين ورا بعض وان وحدي لااروح ولا اطلع مافكر يعايدني حتى بغرشة عطر ولاكلف على نفسه وخرجني بعد ماولدت او حتى اهداني بعد هالتعب فالحمل لاني تعبت مره ومولودي الاول كمان والى الان صار عمره اربع شهور ولاسوى له تمايم (عقيقة ) وانا تعبت من الطلبات والمذلة والانكسار حاولت معاه بكل الطرق ماتغير الحمدلله جاتني وظيفة و عندي من قبلها مبلغ جمعته عشان يجيب لي خادمة حاسبه حساب الوظيفة والبيبي لكن ضيعه ماعاد شفته اخذت شغالة الوالدة اللي جبتها لهاقبل فتره لانها تعبانه فديتها احرجني مع اهلي اخذتها علىبال مايرجع فلوسي ويقدم لي حتى السواق انا اللي اعطيه من فلوس جمعتها عندي وكل مرة تقل يتسلف مني مع العلم اني شارطه قبل الزواج الوظيفه ووافق مااحب يحتاج ولا اعطيه احب التعاون لكن هو مايساعدني اذكر لماكنت حامل كان لازم ارتاح عالسرير وكان عالصيفية وعلرمضان ولاعندي احد يساعدني ولاكلف على نفسه يجيب لي شغالة تساعدني كل ماطلبته في مساعدة احس اني صخره على قلبه فالاخير قالي (جيبي شغالة اهلك انا ماتزوجت وحده عشان اخدمها انا تزوجت وحده تخدمني لك الى شهر واحد اما تدبرين لك شغالة والاتزوجت )انا خلللللللللللاص انهرت ماني مصدقة وواول حمل لي وكان انا ادفع مصاريف علاجي كل اسبوعين خمس مية من الشهر الخامس حتى التاسع
واهلي بعيدين عني وممنوعة من الطائرة والسيارة عشان اروح لهم اعطيته فلوس وجاب لي حبشية مابي اخذ شغالة الوالدة لانها تعبانه وهو مايرحم اهم شي نفسه جوني اهلي اسبوعين فالصيفية وكل ماسألوني اقول قدمنا وماجت مابي يصير في حساسيات وياخذون فكره شينه عنه وخلال هالفترة كانت صرافتي معاه يقال انه اكرم اهلي من جيبه ثاني مره يجوني من تزوجت ثلاث سنوات لما شيكت على صرافتي مالقيت فيها الاثلاثة الاف من عشرة الاف ااااااااااااااااه
هذي بعض المواقف اللي توضح الصديق وقت الضيق
كل ماقلت الشهر الجاي احسن يصير اسواء والله تعبت والله ماطلبه الاضروريات ماعمري طلبته ذهب او شي يزيد سعره عن الخمسمية وبالرغم من كذا يعاملني بهالطريقة
ماقصرت معاه فشي اعطيه حقوقه كامله و وزيادة كمان ابي اعيش زي كل الحريم وخاصة انه مايشوف فيني الا كل شي زين كلام واسلوب ومعاملة ولبس ووناسة ودين مامدح نفسي والله اني صادقه مادري وش فيه
شكيت لكم ياحبايبي لان لو ماشكيت باموت من الهم والحزن وابي رايكم وحل
مايمر يوم الا دمعتي على خدي وماودي يتعود على دموعي تكفوووون شورو علي ,,,,,