زوجي احرجني مع اخوي وش اسوي انصحوني

كيفكم يابنات ان شاء الله كلكم بخير حابه تساعدوني واخذ رايكم زوجي زعلان ومتنرفز من اخوي مع انه هو الغلطان واخوي برضو له أسبوعين وهو زعلان وحتي لما اشوفه او اقعد معاه احس بقلبه شايل علي وعلي زوجي وانا ضايعه بالطوشه بينهم مع انه زوجي هو الغلطان بس مو راضي يعترف بغلطه كالعاده

السالفه ومافيها اخوي حصل له بيت كبير ويجنن دبلكس ماشاء الله كبير وغرفه واسعه ومساحته كبيره مره واتفق مع الرجال صاحب البيت انه بيشتريه بمليون و550 الف فقط مع انه يسوا اكثر بكثير لانه مساحته كانها مساحه ارضين واخوي عايلته صغيره بس غرضه من البيت انه يسكن بجزء وياجر او يبيع جزء عشان يطلع له كم ريال وهو عليه قرض علي الأقل يسدد قرضه وبالصدفه قال لزوجي وهم جالسين يسولفون واتفقو انه يبيع له النصف الثاني وكل شي تمام ووافق زوجي واتفق مع اخوي المهم زوجي بعد ليله غير رايه وقال ابي صك لحاله لقسمي وارضي يعني نفصل البيت والأرض واخوي موافق بس قال له خلني اشتري اول البيت ويصير خير وزوجي رفض قال له بروح معاك للرجال ويسوي صكين مختلفين واحد لي وواحد لك كل واحد له النص واخوي بالبدايه رفض وقال له الرجال بيطمع اذا عرف اثنين الي بيسكنون وقعد يتعذر لزوجي بس زوجي اصر المهم وراحو للرجال وقال لهم افكر وارد عليكم وطلع كلام اخوي صحيح الرجال حسبها وشاف انه البيت ببيتين وقال لاخوي ببيعك إياه بمليون و800 الف اخوي انفجع ورجع لزوجي قال له خلاص بكنسل سالفه قسمه البيت ورجع للرجال والرجال ضل موقفه علي المليون و800 واخوي تورط هو ماعنده غير مليون ونص حتي ال50 الف الباقيات متسلفهم ومره انقهر لانه البيت ابد مايتفوت بهالسعر وزوجي بسبب الي سواه راح البيت علي اخوي لا هو صار لاخوي ولا لزوجي وحتي رجع اخوي للرجال يترجي فيه قال له لا انت بتاخذه وتبيع نصه تبي تستفيد انا بعد بستفيد ولا رضي ينزل ابد وراحت البيعه تماما علي اخوي واخوي زعلان مره وش اسوي انا غصب علي الي صاااار وحتي زوجي مو طايقته من الي سواه واخوي تعذرت له وقبل عذري بس احسه لسه زعلان ومهموم علي البيت الي راح وحتي زوجته ماتكلمني مااتخيل فوتت عليهم بيت العمر والله مهمومه انصحوني وش اسوي كيف اتصرف علي الأقل ابي اقنع زوجي يعتذر لاخوي ومره مو راضي ومعند ادعو لي الله يشيل الهم من قلبي ويريحني والله ذبحني التفكير