زوجي احس انه خبيث

يمكن اول مره اكتب باللقب هذا لكن لي لقب ثاني لكن اختي تعرفه ولا ابيها تعرف عن المشاكل اللي تحصل لي لانها راح تبلغ امي وبتكبر المشاكل
المهم الله يطرح فيكم البركه وتقدرون تلاقون لي حل او هل حياتي اللي انا ماشيتها صح او لا
انا متزوجه من 12 سنه طبعا زوجي مثل اغلب الازواج جامد يكتم عواطفه ما اعرف اي شي عن شغله وما يكلمني عن خصوصياته والمشكله ان طبعي رومانسيه واحب الحياه من طلعات حلوة من سفر ولكن تدرون متى اخر مره طلعت معاه راح تنصدمون قبل 8 سنوات لاني مليت من كثر مااقول طلعني ويقول انتي كل همك طلعات وسفر طبعا ما سافرت الا مرتين معه الى اني حسيت خلاص مليت واحس جاني اكتئاب مليت من حياتي وطبعا هو يسافر وياخذ شهر بره ويطلع يوميا ما يرجع الا الفجر وكل ما قلتله طلعني يقول مو فاضي عندي شغل
انا عارفه ان ما عنده خرابيط ولا متزوج لكن هو كذا وبعدين كل ما تصلت فيه واناما اتصل الا للضروره يقول انتي تراقبيني المهم ما اطولها عليكم
المشكله اني من دخلت سن الثلاثين وكني يا نايم اصحى احس عمري راح مني وانا في هم وسجن ما شفت شي من الدنيا يعني من الدوام للبيت ويوم الخميس اروح لاهلي ووقت الاعياد اطلع للسوق بدون مبالغه هذي حياتي ومالي صديقات لانهم ملو مني لانهم يزوروني ولا اقدر اروح لهم وداني عند وحده وعشان ضيعنا الطريق عصب وبهدلني وجلست ابكي قلت من كثر طلعاتي خلاص رجعني للبيت ولا همه ولا تأثر وانا من طبعي مااحب اشكي لأهلي لاني مره شكيت لهم وكبرت السالفه ووصلت الى الطلاق وبعدها رجعت له ومن يومها ما عاد اشكي الا للي خلقني وانا ترى قلبي طيب جدا وعشان كذا احسه مستغلني يعني هو عنده خير ولما اقوله عطني يقول ليه وين راتبك اصرفي منه مع انه يصرف حتى على خوياه ويسفرهم معه على حسابه يابنات والله اني حسيت باكتئاب لدرجه اني كرهت حياتي الجامده ومليت العزله ومليت الوحده الحين هو مسافر وله اسبوع ما كلم ولا سأل عني ولا عن عياله وامس كان جوالي جنبي شفت الجوال بس نور وطفي ويوم شفت الرقم الا دولي واتصلت ورد علي هو وقال انا اتصلت وما رديتو علي وقولي لامي انااتصلت وماردت وانا مشيتها طبعا هو حتى ما دق ولا دقه يدوب نور الجوال يعني عن الحلف بس دق المهم انا بصراحه ما سأله وين كنت ولا وين رحت ولا ليه تأخرت واطلبه فلوس عطاني او خذيت من راتبي ولا عاد اقوله طلعني وبنفس الوقت احس اني غلطانه اني سيبته كذا وبنفس الوقت احس اني ارتحت من المشاكل لان كانت تصير مشاكل قبل ما تنتهي والسبب اني كنت اقوله لا تتأخر وبالنهايه مافي فايده فعلى قولتهم شريت دماغي وسيبته وفعلا حياتي صارت اهدى ولكن احس انه غلط وانه استغلني ولا بين في عينه يعني مازال على طبعه الجامد ونفسه وبس

اعذورني على التطويل ورداءة الاسلوب لكن من اللي فيني وبانتظار مشوراتكم علي