زوجي احس انه مريض

السلام
بتكلم بموضوع لي شهرين
ابكي منه ذبلت
تعبت من الهم
عندي زوج مادري ايش اقولكم عنه
عجزت افهمه
مادري ملول
او فيه فصام شخصيه
متزوجه لي سنه ونص
اول نص سنه من زواجي تقدرون تقولون
عيشني ملكة حب رومنسيه دلع روحات جيات
فجاه بيوم وليله تغير
لاتقولون عين لا مو عين هو انسان مريض
حتى لاحظت حركاته مع اهله اليوم يصير
كويس معهم بكرا العكس واخته قالت لي بنفسها
ترا فلان شخصيته متعبه زين انك متحملته
قلت كيف طبعا هو مطلق قالت لي ملول ومتناقض
تقول كان يموت بطليقته
فجاه صار كل يوم مشاكل
يجي لاهله يقول ماني طايقها تدخل تحسبها
بتمشيني ع كيفها لانه حق سفر وهي كانت ترفض
مثلي الحين
بعدين يجي لاهله يقول انا قلت لكم ابي حلوه
ليش خاطبين لي ذي
للعلم طليقته اخلى مني وبكثير بعذ
الى هنا ممكن اتحمل
لاكن لاكن الشي الشخص اللي مايتحمله
انه يستنقصك
مثلا يقول ووالله ياشفت مزه بالسفر
حسيت انها من الحور العين
او انا ذوقي غير<طبعا ذوقه روسي
عشان اوضح لكم انه مو صاحي
دايم دايم كلمته كان ودي اخذ روسيه
لاكن النصيب
دايم يردد مثل بعد الشينه تجي الزينه
لاكن اللي جاني كلهم شينات
يقصدني
ويقصد طليقته
ومثلا حنا عند التي في تطلع لبنانيه
او اجنبيه حلوه
يتنهد يقول هاذي الاشكال
ومره جرحني جرح قالي
انا ممكن اتحمل كل شي الا االبنت الشينه
والعاديه ماقدر اتحملهم الا لاني مغصوب
عارفه يقصدني
قلت له مره ليه تخطبني وانت عارف انك
تبي حلوه اورروسيه و و
ماعنده كلمه الا النصيب النصيب رماني
عارفه يخونني الى راسه وعارفه يكلم بنات
وعارفه يسافر برا للحرام
زوجي مريض بالجممممال
وهو اعترف لي قال انا عشقي الجمال
انا مع اني اقل من عاديه
لاكن احس نفسي احسن الناس
بتقولون ليه
لاني اشوف غيري اقل مني او مثلي
ورجالهم مايشوفون غيرهم
البلاء موب فيني البلاء من الشخص الخربان
اللي عندي
تدرون مره جرحني جرح عميق
انا طبعي طيب لحد السذاجه وهذا اللي محبب
اهله فيني لاني طيبه معهم وكاني بنتهم
واسلوبي حلو بكل صراحه ونفسي ماتشيل
ولا تحقد
قالي مره احسن مافيك يافلانه واللي صابر
عليك تدرين وشو انا انبسطت
ع بالي بيقول شكلك جسمك
قالي اسلوبك!!
احب تسولفين لي احب حركاتك
حسيت حاطني مهرج
لان بكل جلسه يضحك ع سوالفي انا طبعي
زي ماقلت لكم شوي نكتي يعني حتى بالسوالف
اميل للمزح اكثر من الجد بكثير
ابي حل معاه
اكره شي ان البنت تعيش
مع شخص
معتبرها للسوالف والطبخ وبس
مافي اعجاب بشكل بحب و و