زوجي اشترى بيت ويقولي انتي ماتستاهلين الدلع

بنات انا من تزوجت وانا ساكنة بشقة اربع غرف صغاااار بدون صالة
تعودت عالمكان الملموم وصارت غرفة عيالي هي غرفة الجلسة وهي غرفة نومهم وهي غرفة الاكل
احس نفسي اضيع لو المكان كبر شوي
عندي بنتين وولد البنت والولد بالابتدائي والصغيرة عندي بالبيت


المهم زوجي اشترى بيت بالتقسيط اول ماتدخلين مجلس ومقلط ومطبخ وباقي الدور مفتوووووح علي بعضه قد شقتي مرتين:06:
الدور الثاني اربع غرف كل غرفة بحمامها
الدور الثالث غرفة غسيل وحمام ومطبخ وغرفة جدارها كله زجاج عالسطح
وطبعا نسيت اقولكم انه في بدروم تحت مفتوح علي بعضه يخوووف:06:


مو مستوعبة اجلس ببيت كذا انام بمكان واكل بمكان واجلس بمكان:hahaha::hahaha:
اصلا ماعرفت اقسم الغرف وخصوصا ماعندنا ضيوف نادر يمكن مرة بالسنة يجينا احد


انا ما احب اترك مكان بالبيت ما استخدمه احسه حرام:35: وبنفس الوقت احب المكان كله مفتوح قدامي وجنب بعض

كان ودي بيت العمر يكون دور وااااحد مفتوح علي بعضه نظام مودرن حتي غرف ضيوف ماكنت ابغي


الحين زوجي يقول انتي ماتستاهلين الدلع وما انتي وجه نعمة المفروض تطيرين من الفرح
ايش رايكم وكيف ارتب وضعي

بنات انصحوني كيف ارتب واقسم البيت؟؟؟

معقولة اترك الدور الاول للضيوف وانا نادرا ما احد يجيني اخاف البيت يصير مسكون ما احد يدخل الغرف
والبدروم ايش اسوي فيه

انا صراحة اخاف من الاماكن اللي كذا احسها تصير مسكونه ما احد يدخلها

وزوجي يقول بكرة العيال يكبرون >>>ماعندنا نية نجيب غير هالثلاثة
ويصيرون يجون مع عيالهم عندنا وينبسطون