زوجي اصحابه بيزوجوه..وش اقتراحاتكم

حبيباتي الموضوع وما فيه زوجي ...ابو عيالي يبي يتزوج كل ما احد سولف معه عالزواج قال له ودي ويا الله على يدك


انا اتحرقت اعصابي كثير ومرتين خطب ولا صار نصيب


بنات انا عن نفسي الحمدلله ودود ولود وبنت ناس واحب البشاشه ولا احب النكاده


بصراحه هو عملي ورسمي وغير اجتماعي الا بحدود يعني اصحابه 3 بالكثير


ولكني مليت احتكاره مليت يحرمني من الناس


حتى امه وهو ساكن بالطابق الثاني احيانا يزوروها ناس ولا يخليني اطلع لها يقول انه وده يطلعني انا والعيال


وانا اتفشل قدام اهله ودايم احلف انه ولدهم السبب وهم يحسبون ان الحرمة اللي تركب الرجال وتمشي كلمتها


عموما انا مليت لا وظيفه ولا تسوق زي الناس ولا طلعات ولا خرجات وكل ما احد سولف معه عالزواج قال


ايه يالله على يدك


قبل فتره جاء يبشرني بحاقتراب موعد حصوله على القرض العقاري


وانا اتوقع والله اعلم انه بيسافر ويتزوج


الا اذا الله اراد بشئ آخر


عموما انا بصراحه مليت من طبعه الرتيب وصار عندي قناعه انه يوم من الايام يا انا يا هو بيسبقه الموت


يعني لييييش اقطططع روحي بكى عليه لعلها خيره




انا بصراحه كمان محتاجه الرومانسيه والدلع ولي اكثر من 10 سنوات وياه بصرااااحة طقيت حتى عيالي مساكين محرومين


من اشياء كثيره حاسه انه معايا ومع عياله زي الشيبان وانه مع اصحابه ذاك الولد اللي يموت في البنات




متناقض حتى لما ابي اونس نفسي زمان كنت اشغل اغاني من غير موسيقى يعني بالدف وارقص مره منعني والمره الثانيه يقول يا الله كبر بهدى المصيبه انا اصغر منه واحب الدلع وغصب عني القى نفسي عاديه




حتى اقول له خلنا نحط العيال عند اختي ونطلع كافي او مطعم


يقول ما همك الا بطنك
قسم بالله اسلوبه مقرفني عيشتي


طايح فيني انحفي وانا زايده 15 كيلو ممكن بأمر الله تنزل وانا لازلت احاول


وانا اصلا من النوع اللي اذا تخنت بحول الله ارجع لجسمي اللي ايام الزواج
ومتفائله خير


ابغاه يدلعني لاقيته بعييييد كل البعد عني
يبغاني تملك ولكن لا اتنفس
يبغاني طوع امره في كل شئ


وبصراحه هو متسلط في كثير من الامور وانا احاول اغض الطرف لانه نكدي
درجة اولى


قبل يومين يقولي الزوج ياخذ الاولى ام العيال والاساس وصاحبة البيت وال2 وال3 وال4 من حقه شرعا يتزوج ما طاب له ولكن الاولى لا يفرط فيها






اتوقع كل شئ واضح بنات الموضوع جدي وابغى اقتراحاتكم


وش اتشرط عليه وكيف لانه يعرف ظروف اهلي مستحيل اروح لهم واسوي فيها زعلانه


وانا بداخلي ... اقول قلعته خليني ارتااااح لانه متسلط ونكدي


لعل وعسى ربي يفرجها ويخليني مع عيالي براحتي اروح واطلع ابي اعيش حياتي حتى التحفيظ ممنوع


يارب رحمتك




الزوجه الاولى تكون صح متضايقه لو تزوج زوجها عليها بس اكيد سمعتم انهم اخذوا راحتهم ... في بعدهم عن ازواجهم