زوجي اطيعه بس امي وابوي مو مهم اطيعهم عندهم غيري يطيعهم

السلام عليكم ورحمة الله وبركاته

صباحكمـ معطربـ فل ونرجس ,,, مسـائكـمـ معطر بـ مسك وكافور


انا ودي اتكلم معكم عن موقف يتكرر بشكل يومي وفي اغلب البيوت إلا ماقل وندر

( إاللي هـــــــــو )
( الموقف الأول)
يدخل الأبو جاي من العمل او من اي مكان منهد حيله

ويشوف بنته ساره جالسه

على الاب توب ساره قومي جيبي لي كاسة مويه وحطي لي شئ اكله
ميت جوع ...~

ساره طيب دقيقه و بقوم

تمر الدقيقه وتجر معها دقايق وتتحول الدقيقه الـى ساعه والأبو المسكين ينتظرر والبنت قاعده على المسنجر مع صديقاتها



او تنتظر لما يخلص البرنامج اللي تتابعه في التلفزيون




وهو يلا يابنتي قومي جيبي لي مويه وهي ولاهي هامها ماعندها




إلا لحظه وشوي وبقوم ..~



طيب إلـى متى من اهم شغلك اللي مو مهم والا ابوك



اللي يذبح نفسه لو شاف دمعه نازله من عيونك"،"




(موقف ثاني)




تجلس الأم من النوم (القيلوله) وتشوف بنتها نوره تكلم صديقتها في التلفون




نوره قومي سوي لي شاي احس راسي مصدع



وقبل ماتكمل الأم كلمتها إلا وتسمع صرخة نوره تهز البيت



يــــــــــــــــــــــــــــــاربي مافي إلا انا تقولين لي قولي لـ/ مشاعل << قصدهاأختها




أنا مشغوله ماني بفاضيه




يالله صار حشك في خلق الله في التليفون شغل يشغلك عن امك





بنات كم وحده تمر عليها المواقف وقد تكون هي سيدة هذاالموقف




كثير اللي تمر عليهم هالمواقف صح ..!!





بس على النقيض لما يقول لها زوجها قومي حطي لي الغدا تلاقينهاقبل مايخلص كلمته طارت على المطبخ وراحت زينت له ذاك الغدا اللي يخلي



الواحد غصب يشتهي ياكل اما ابوها وامها ان تكرمت وجابت لهم جابته بشكل يسد النفس وهذا بعد مانقعتهم ساعه او اكثر ينتظرون حضرتها متى تفضىوتقوم تسوي لهم اللي طلبوه منها ,,




بنات انا مااقول لكم لاتطيعون ازواجكم لأ طيعوهم لأن هذا واجب







بس بعد أمهاتكم وأبائكم واجب تبرونهم الجنه تحت اقدام امك








اقعدي مع نفسك جلسة مصارحه وقولي لنفسك ..~





_ أنا كم مره نامت امي وهي زعلانه علي




_ كم مره تبللت مخدتها من الدموع بسببي



_ كم مره صرخت في وجهها



_ كم مره ناداني ابوي وطنشته



_ كم مره عاندته وعصبت فيه




_ كم مره رفعت صوتي في وجهه





كم وكم وكم.......ألـخ







متى بنندم على أفعالنا ومتى بـنبر أبائائنا وامهاتنا ...!!؟





لاتقول لي وحده انا امي أو وابوي قاسين بشكل ماتتصورينه ومايستاهلون اني ابرهم





لأ ياقلبي مو انتي اللي تحددين هم يستاهلون البر او مايستاهلون الله يوم ذكر اية البر : وَقَضَى رَبُّكَ أَلاّ َتَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَن عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلا تَنْهَرْهُمَا وَقُل لَّهُمَا قَوْلاً كَرِيمًا ّ وَاخْفِضْ لَهُمَا جَنَاحَ الذُّلِّ مِنَ الرَّحْمَة وَقُل رَّبِّ ارْحَمْهُمَا كَمَا رَبَّيَانِي صَغِيرًا رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ)))

ماقال والوالدين القاسين لاتبرونهم قال بروا بوالدينكم وأحسنوا إليهم








بشكل عاااااااام كفار مسلمين قاسين في المعامله طيبين في المعامله




المهم بروهم واحسنوا معاملتكم معاهم انتي بريهم




واحسني لهم في المعامله ولا تنتظرين منهم كلمة شكر




لانك كل هذا البر بتشوفينه يوم تاخذين كتابك وتشوفين صحيفة اعمالك




حاولي انك تطيعينهم بقد ماتقدرين وتسايرينهم في اي شئ



مالم يأمرونك


في معصيه للخالق انا والله ينفطر قلبي لما اسمع عن بنت تتكلم أو تكتب بكل جرأه الله ياخذك يااابوي الله لايسامحك ياامي .... وغيره من هالكلآم




والمشكله لما تنصحيها تقول انا اكره امي انا اكره ابوي لأنهم قاسين أو بخيلين... أوأوأو ألخ



طيب الله ورسوله ماقالوا إذا هم قاسين ادعوا عليهم بالعكس


قالوا بروهم بشكــل عـام وأدعوا لهم وتأكدي ان ربي بيحاسبهم على معاملتهم



لك انتي اهم شي اللي عليك انك تبرينهم وبس ..


بنات انصحكم وانصح نفسي ببر والدينا قبل ماتجينا أيام نتمنى بس لو نلمحهم


مجرد لمحه ونتمنى لو يطلبون عيونا نعطيهم بس المهم يبقون جنبنا ومايبعدون عنا



ويكونون لنا السند في وقت الضيق ووقت الفرح ..~


بعدها لآفات الفوت ماينفع الصوت


أخيراً ..~


أسئل الله العظيم أن يرزقنا البر بوالديناوان يغفر لنا ولوالدينا ذنوبنا


وأن يجمعنا معهم في أعــالي الفردوس





ملاحظه الأسماء المذكوره اسماء للتوضيح فقط

كلمات خرجت من قلبي أتمنى أن تلآمس قلوبكم


منقوووول