زوجي اعترف لي انه يحب وحده

عليكم السلام .. انت الآن ع ذمته وإعترافه مال أمه داعي ومهما كنت واعية ومثقفة راح تنشغلي بهالسالفة وكل م شفتي البنت برضو راح تفتكري سالفتهم وتتنكدي ع شي مضى .

فعلا انا الحين صايره شكاكه وهالشي مضايقني وقاعد يخرب لي حياتي

ماااله داعي وليش يعترف لك!!!
الله يقول " لاتسألوا عن أشياء ان تبدَ لكم تسؤكم"
وهذا الذكي يقول لك!!!!
زوجك عكس زوجي انا اللي اكتشفت علاقته السابقة! وهي دايم يقول اكبر نعمة الجهل و النسيان خخخخخخ عباله جاهله ماضيه مدري عن شيء


عموما ماودي احطمك يختي لكن صراحة اعترافه لك في بداية زواجكم ذا لو انا مكانك وماحصل حمل ممكن انسحب من حياته بكل هدووووء


سلام

شوفي هم كذا يعترفون ويعلمون من حبو ويعلمون من خطبو باول الزواج
يعني عادي مره لا تخافين اذا يحبك لانه خلاص دخلتي قلبه وتكنسل حبها
هذا ماضي وانتهى يعني ما اعترف لك يبي جهود او شي منك هم كذا والله عادي
اعترف لك سذاجه منه لو هي بقلبه كان سكت وما نطق ارتاحي

هو ماله داعي انه يفتح الموضوع ذا لكن ماتدرين يمكن كان لحضتها فاتح لك قلبه وقالك هالكلام ويمكن فباله اشياء ثانيه
انتي ذحين بيدك الموضوع وتقدري تسوي كذا شي
لو اخذتي موقف وزعلتي وعصبتي وسويتي مشكله وقتها راح يحاول ينهي الموضوع لكن بعد كذا راح يحتفظ بافكاره وشعوره لنفسه وماراح يعترف لك بشي بعدها وممكن يتنرفز من اسلوبك ويحسك نكديه وهذيك البنت تحلى بعينه ويكبر حبه لها
ولو عديتي الموضوع وحسستيه انك عادي راح ياخذ راحته وصحيح راح يفتح لك قلبه لكن المشكله انه بياخذ راحته وراح يسرح ويمرح بتفكيره فيها وممكن يوصل لمرحله انه خلاص نفسه يرتبط فيها


افضل حل انك تاخذي الامور بوسطيه وتوازني الامور بمعنى انه لو جاب سيرتها توقفيه عند حده على طول ببداية كلامه لكن بأحترام لاتزعقي ولا تسبيه واهم شي تذكريه بأن هالشي ممكن يهدم اللي بينكم عشان يعرف الموضوع ذا نهايته مسدوده
وفي نفس الوقت حببيه فيك عاد بطريقتك الخاصه وبيني له انك مرتااااااااحه معاه بتصرفاتك (عشان لو فكر فيها يتذكر انكم مرتاحين مع بعض) لكن مو لدرجة انك تتعلقي فيه طول الوقت لانو لو شافك متعلقه فيه راح يحاول يبعد عنك شويه او انه راح يحس بالامان انك ماراح تتخلي عنه لو دخل شخص ثاني بحياته


وشوفي الصفات اللي كرهها بهذيك البنت صيري عكسها تمامااااا حتى لو تمثلي بمواقف يعني مثلا مثلا لو هو كره هذيك البنت عشانها تكلم شباب او شي زي كذا انتي صيري العكس يعني مثلا لو رحتي السوق معاه لاتتكلمي مع البائع لو كنتي تبغي شي روحي وشوشي زوجك انك تبغي الشي الفلاني (كأنك طفله صغيره مستحيه) وهو يتكلم معاه بدالك
عشان يترسخ بعقله ولو فكر في هذيك البنت راح يقول ايش ابغى بهذيك اللي كلمت كل الشباب وعندي هذي اللي ماتسمح لأحد يكلمها وقتها بدال مايحبها راح يزيد كرهه لها