لو اول ماتزوجتي من اول شهر اقول معليش ماتحملت وماتقبلته....لكن استمريتي معه واللحين عندك منه طفله..!!!
لاتكونين انااااانيه وتشتتين بنتك وتحرمينها انها تعيش الوضع الطبيعي في بيت امها وابوها مثل اي طفل ثاني....انا اقولك كذا لانك مو متضررره وان شاء الله مع الوقت بتحبيه لان كل اللي تحسيه وسوسه من الشيطان وللاسف قدر ينتصر عليك...
بكره اذا كبرت بنتك وسالتك عن سبب الطلاق ايش بتقولين لها؟؟؟!!
وبعدين انتي ضامنه انك بتنخطبين..ماراح يجيك اعززب بيجيك واحد متزوج وبكره بتعيشين الغيره والقهر على اصووله...وبنتك وقتها وين بتكون؟!!

فكري بعدين ايش بيصير لك انتي وبنتك....صدقيني سببك تااافهه والشيطان كبره بنظرك...لاتتهورين وتجرمين بحقك وحق بنتك وزوجك...

طبعا انا اتكلم عن القصر بس اما الشك لاا وقفيه عند حده....

والله يهديك وينور بصيرتك ويحلي زوجك بعيونك

شوفي يااختي
انا زيك زوجي قصير وابدا مادخل مزاجي ماكنت شايفته يوم الرؤيه الشرعيه كان جالس فما شفته الا ليله الزوج وانصدمت ومع ذلك نحيف بعني تخيلي ابدا ماتقبلته واتمنى اني اخذه واحد زي اسود وطويل اهون من اني اخذ واحد قصير لو اني اخذه افريقي اهون علي .ادري راح تتريقون وتضحكون .ماعليك منهم كل وحده اضحكت بالصفحات السابقه معاه زوج طولها مرتين
كنت استحي يجتمع مع اهلي واعمامي لاني احسه يفشل ومب رجال والي تبي تقولي خلقت الله انا عارفه لكن شي موبيدي استحي امشي معاه بالاسواق احسه مو رجال
لين حكمت عقلي
فيااختي قيسيها بعقلك مو عواطفك هل تستاهل بنتك تتيتم وتتشرد علشان ابوها قصير
هل انتي اول وحده تاخذ رجال اقصر منها .شوفي حواليننا راح نلاقي كثير قصيرين وزوجاتهم متقبلات وعايشين احلى عيشه
عليك بغض البصر وراح تشوفي الراحه وابصملك بالعشره انك مطلقه بصرك بالرجال. فكل حسرتي زمان كانت تجي من هالشي اشوف واقارن واتمنى والنتيجه اكره زوجي زيااااده
الاستخاره الاستخاره الاستخاره بالطلاق اوجلوسك معه فلا انا ولا بنات حواء نعلم لك الخيره لايعلم لك الخيره سواء الله ماتدرين اذا تطلقتي وشردتي بنتك من تبي تطيحين فيه معدد اوشيبه
ادعي ان الله يولف بين قلوبكم ويحببك فيه
واخر حل الرقيه وسورة البقره

لا اله الا انت سبحانك اني كنت من الظالمين ****

مادري كيف قريتها انا حامل < اعذريني
وفي المانع طبعا ياقلبي خدي مانع خدي حبوب وامشي عليها زيما تقولك الطبيبة
لين تضمنيه علشان ماتظلمي طفل تاني
وربي يخليلك بنتك ويرد لك زوجك افضل من السابق.

الله يوفقكم