الله يسخر كـ له ويسخره لكي

اشكري الله على نعمه وأنتِ علشان ما عندك ثقة تتخيلي الناس تتنبه لك ومركزة عليك يعني بالسوق مافي غير زوجك قصير وأنتِ طويلة كثير زيك وحياتهم أروع ما تكون دام تزوجتيه وخلفتي أسألي الله أن يرضيك بما قسم لك

انا مثلك والله في البداية كنت كااااارهته مره عشن طولة
بس بعدها حبيتة عشن اخلاقة طيب والحمد لله
أقنعت نفسي ان هذا نصيبي ولازم ارضى فيه
مو معقولة انطلق لانه اقصر مني بكم سانتي
اكيد عنده مميزات ثانية حلوه 
وادعي ربك انه يجمله بعينك
حاسه فيك مره صدقيني لاتخلين هذا أكبر همك
اذا صفاته الثانية حلوه خلاص حاولي تتقبلية وتحبيه
وانا ترى ما حبيت زوجي الا بعد كم سنة أقولها لك صراااحه
اول سنة ماكنت متقبلته مرررره بسبب طوله وشكله
اللحين أشوفه اجمل الرجال في نظري

اول سنة توك بدري تحبينة وتاقلمين نفسك معاه
اصبري وشوفي ًواستخيري قبل كل شي

الله يفرج همك
ويسسخره لك يارب
اذا على الطول والقصر
انسي الموضوع ياحياتي
وذا شي عااااادي اخوي وخالي
اقصر من حريمهم وماشاء الله
مو ماثر هالشي بحياتهم
اذا طيب ومحترررم لاتخسري بيتك
وتشردي بنتك

لنفترض انك اتطلقتي منه وتزوجتي واحد كرشته كبيرة وفي العلاقة الخاصة بتقرفك كرشته والثاني ريحته شينه و و الخ
كلنا بشر وفينا عيوب ولكنا نرحم بعض ونتقبل بعض ونساعد بعض وأكيد حتى أنت فيك عيوب وزوجك مطنشها

انت لازم تتقبلين الإنسان كإنسان طويل أو قصير الإنسان شي أعمق وأكبر من كذا ولا نحكم عليه من مظهره

لو قلتي ريحته شينه ويرفض الإهتمام بنفسه والريحه شي يصعب التغاضي عنه لأنه يفرض نفسه في العلاقه مو زي الطول، أصلاً في السرير مو باين انتي اطول ولا هو

لو قلتي بتطلق لأن زوجي شخص سلبي أو نكدي كان قلتلك انفذي بعمرك لأن فيه ناس العيشه معهم تقصر العمر بسبب طاقتهم السلبيه الي ينشرونها في البيت ولكن ممكن زوجك يكون فيه ميزات كثيرة جدا في غاية الاهميه (مثلا يكون ايجابي) وانتي بتضحين بها كلها عشان شي تافه مثل الطرل

ويمكن الشك الي في زوجك هو ردة فعل على إحساسه بأنك ماتقبلتيه وتلقينه يقول البنت تحب زوجها الي ماعرفت غيره بس هذي ماحبتني وحب يتطمن هل فيه أحد ثاني في حياتك ولا لا
لأن الإنسان أحيانا يبذل جهد لكسب شريك حياته ولكن جهوده كلها تضيع على الفاضي لأن شريك حياته يصير جدار مايتجاوب لأن قلبه أصلا مو معه ويكون يحب شخص آخر وكثير بنات في المنتدى كذا حالهم (تحاول تكسب زوجها وهو موب لمها أصلا)
اعجبتيني جداً لأنك ماتبغين تظلمينه مسكين وش ذنبه يعيش مع وحده قرفانه منه ولكن كمان لا تظلمين نفسك حرام
لما اقولك لاتظلمين نفسك ما اقصد اتطلقي وعيشي حياتك ولكن اقصد فكري فيه زين هل يستاهل الحب ولا لا وهل فعلاً الطول مشكلة؟ تخيلي لو انتي فيك عله معينه (إعاقة مثلاً) أو تشوه هل بتستحين من الناس وتنعزلين؟ طيب ليش فيه بنات عندهم إعاقات ومع ذلك مايستحون من الناس ولا ينعزلون؟ تدرين ليش لأنهم قويات، بينما أنت ضعيفة لدرجة أنه حتى موضوع تافه زي أن زوجك أقصر منك بشوي مأزم حياتك...
ارجعي قيمي وضعك وشوفي هل هذا الشخص يستاهل تحبينه ولا لا وان لقيتيه يستاهل حبيه وحاربي بعد عشانه ولكن لو ماقدرتي يمكن انك مفروض تتطلقين عشان تتعلمين دروس في الحياة أكثر لأننا أحيانا نحتاج نتبهدل عشان نتعلم