زوجي البيت الجديد

زوجي بعد ١٥ سنه زواج قرر و الحمدلله يشتري بيت دورين . لأنه متزوج على وزوجته الثانيه أكبر منى بسبع سنوات ..
مشكلتنا على الدور الأول
أنا أقول أنه من حقي لأني الأولى و عمري " عشرتنا " مع بعض أكبر منها
وهو يقول : لا .. هي أكبر منك بالعمر
ومن ناحية الطبخ أنا الصراحه ماأحب شيء اسمه طبخ
يعني احب الاكلات سريعة التحضير و اطباق ذي اليومين مو الأكلات الشعبيه وكذا .. لأني أصلن ما أحبها
وهي تعرف لهذي الأمور يعني
ويقول هذا السبب الثاني .. يقول بكره اذا عزمت الرجاجيل مو حابين نوع الاكل اللي تطبخين
خصوصا جماعتنا يحبون شيء أسمه اكلات شعبيه
المهم :
عاد هو يقول بصير انام بالمجلس تحت واللي يومها تنزل و تجلس عندي وتروح .. او بحط لى غرفه لحالي ونفس الشيء ..


صراحه انا طبعه هذا ينرفزني ..
دايم شايفه نفسه و مايعبر
اللي أذا تبيني انتي تعالي أنا ماأجي لك ..
ونا أسوى اللي أبغاه بدون ماأرجع لأحد
واللي قهرني أكثر بالموضوع انه يقول يمكن ياأخذ دور و شقتين تخييييلوا أذا ماحصل دورين ..
يعني هي تسكن بدور كامل لحالها مع الحوش و الوسع
ونا باأسكن بشقه صغيره طول عمري مع اولادي حتى راح بنام عندها تحت بالمجلس 24 ساعه


يعني حتى لو نزلت عنده ببصير اولادها عندنا واذا بغيت حمام مشكله ولا بلبس ولا حتى الكلام
مافي راحه نهائي ..
وهو مايسمع ولا يفهم ..
يقول أنا أسوى اللي أبيه ولا على منك ولا همنى رأيك
تبعين عاجبك ولا بكيفك لا تسكنين خلك بالشقه الأيجار ونا بروح للبيت الجديد ..


أنا تعبت معه و تعبت ونا أهتم فيه ..
وسوى له اللي يبي ولا أرفص له طلب حتى حبي له مبينته له من أهتمام و سؤال وغيره !!
لكن هو مايبادل الشعور و لا يحس و يقدر !!
تعبت حتى نفسيتي تعبت وصرت متضايقه كثير منه
واحس بديت أكرهه بسبب تصرفاته معاى
دايم يشوفني مقصره . يدور على الزله و يكبر الصغيره ( يسوى من الحبه قبه )
ونا ماأبي هالشعور بالكره يتملكني ..
لكن هو يغصبني على هاالشيء ، بتصرفاته كثير أتغاضي وقول : عادي و ما يهم
لكن صعبه اكذب على نفسي ..
وهو دمر نفسيتي دمار .. حتى بيومي يعني
ادق عليه اكثر من مره عشان يجي و يجلس ساعه
ماراح اجي
جوني ضيوف فجاءه هناك
تعبان مقدر اطلع وكل يوم له موال جديد .. وتعبت ونا أمشي وراه و سال عنه