زوجي الحقير الخاين

بنات ويمين بالله باقي شوي وانفجر انا مدري
كيف ماسكه نفسي لي اسبوع
قبل ابدا بوضح لكم متزوجه لي سنتين
وزوجي هو واهله ماعليه من ناحية الماده
اقترحو اصدقاء زوجي على زوجي
انهم يسون بزنس ملابس رياضيه براند للبنات والعيال زوجي مامنع وانا كنت اشجعععععه😭ماكنت اعرف وش ينتظرني هالكلام قبل سنه فتحو وصلحو محل وصارو يجيبون شباب وبنات مودلز اغلبهم اجنبيات واجانب لعرض اللبس والتصوير لكن المصيبه والكارثه قبل ثلاث شهور صديق زوجي الله لايوفقه جاب لهم  مودل سعوديه منا وفينا ولا جاء ببالي ولا واحد بالميه ان بيصير شي بعدين بينها ويين زوجي هالشهرين لاحظت بتغير كثير كثير لزوجي مايجلس بالبيت يطول برا ولما اساله يقول والله مع العيال الشغل اخذ كل وقتي
وكنت غبييييييه اصدق منشغل بالجوال
لما جت الصدمه مادري اقسم بالله اني بحياتي فتشت جوال زوجي اصلا مادري كيف قرصني قلبي كان فيه جوالين لزوجي واحد برمز وواحد بدون اللي بدون القديم ولا كان يفتح فيه سناب ولا شي ذيك المره اخذته وزوجي بتحمم كان مفتوح وعادي جالسه اتصفح الصور وكذا مافي شي الا حصلت زوجي مسجل دخول بسنابه لان كان معلق اتوقع فدخل بجواله القديم ونسى يسجل خروج الا شفت صددددددددددددددمة عمري نفس المودل اللي جايبينها بينها محادثات ومواعدات تمشي وسينما وماعرف ايش مع زوجي بسرعة البرق اضفت المودل بسنابي لان سنابها مفتوح تنزل كل شي صورها عبايات فساتين قصيره هي لابستهم واشياء كثيره انتم متخيلين من الوقاحه اللي فيها وفي زوجي يمرها بسيارته ومشغل اغنيه وتصور الشباك!!!!!!!!!
عرفت سيارة زوجي مع انها ماوضحته هو
بس اعرف سيارته اعرف علبته المويه اللي
دايم معاه
هذي قبل اسبوع اول صدمه كتمت واسكت
وارسلت له بنفس الوقت وينك؟
قالي مع الشباب نامي بطول شوي
ماتتخيلون
البكي اللي بكيته من قهري هذي ماتتهدد
هذي مودل اهلها بانفسهم مهيتينها مع الشباب يلبسونها ويسون لها مكان وشعرها حتى جسمها يلمسونه!!
كنت اخاف على زوجي من الاجنبيات لكن الحين اقول ياحلوها الاجنبيه جنب اللي شفت
والمصيبه ايش بنات حلوه وهذا اللي صدق صدق جنني وش جابني لها هو جمال جسم وطول وشعر وبشره ماتتخيلون كيف مت قهر وغيره وكل شي بالدنيا
قفلت الدنيا بوجهي وامس الصدمه الثانيه
جالسه اصيدهم بدون مايحسون
زوجي قالي بطول مع الشباب ترا برجع الصبح بنروح سينما
وكنت حاسه انه يكذب ودخلت سنابي الثاني
اللي ضايفه فيه الكلبه حصلتها مصوره سينما
وبوب كورن من نفس الجهه زوجي مصور نفس اللقطه بالضبط بالضبط نفس الفلم نفس كل شي قفلت سنابي وانا زي المجنونه
مادددددددري وش اسوي هذي ماينفع فيها
لاتهديد ولا شي هي فاضحه نفسها بنفسها
واللي عندي فكرت اتهاوش معاه بس عارفه
كلامي بيكون جارح وبيرجعني بيت اهلي
لو كلمته بطلع الاول والاخر وانا ببداية حياتي
ولا ودي اترك زوجي لها تكفون تكفون بنات
وش اسوي اعترف لزوجي اني ارقبهم؟
او ادخل على نفس البنت واكلمها؟