السلام عليكم ورحمة وبركاته
حبيباتي بنات حواء انا قديمه بهالمنتدى لكن ما عمري استشرتكم بشي
هالمره محتاجه ارائكم وافكاركم
الله اعلم كم وحده منكم مرت بهالشي
انا متزوجه من 14 سنه عمري 31 سنه وزوجي عمره 46 سنه من تزوجت عرفت ان زوجي رجل جلف في المشاعر والاحاسيس غيوووور بشكل مو طبيعي ما عنده اسلوب بالكلام او التعامل دخلت بعائلته وعرفت اسباب هالطبع كله صبرت واحتسبت وحاولت قد ما اقدر اني اغير او بالاصح اعدل في طباعه لكن دون جدوى كل ما مرت سنه كل ماساءت اخلاقه صار يتطاول بالكلام ينتقد على كل شي فيني في بيتي اولادي انا ماني كامله ولاهو كامل انا تقبلت عيوبه وقاعده افتش على حسناته والمفروض يصير منه هالشي لكن لا طول فترة زواجنا حسيت نفسي جالسه تحت مجهر وهو بس يتصيد عيوبي وينتقدها وانا اغير واعدل عشان اكسبه من 4 سنوات بدات تزيد غيرته وصاير شكاك ويلاحقني على كل شي يغار حتى من اهلي خوالي وعمامي وليه ما اتغطى منهم لانه يحس نظراتهم لي مو طبيعيه مع اني عارفه انه هو الموطبيعي اكثر من مره القى عليه اشياء اعرف منه انه يخون بالجوال وبالنت وكنت ما اوجهه بصراخ لكن باسلوب وابين له ان من يزني يزنى به لو من وراء جدار لكن لا حياة لمن تنادي تعبت وصارت مشكله اتهمني في شرفي رحت لبيت اهلي وجلست سنه وهو يروح ويجي ويقول عشان الاولاد
المهم بعد سنه رجعت له بعد ما وافق على كل شروطي ورجعت مبسوطه وقلت بتزين اموري اعطاني كل شي ابغاه بعد رجعتي جواله ما يوقف رسايل اتصالات ورسايل كل شويه يخرج يجلس ساعه ساعه ونص ويرجع
ادا بينام او يدخل دورة المياه الله يكرمكم يقفل الجوال بس مره نسي وشفت الرقم وحطيته بجوالي وكلمتها طلعت حرمه وعرفت انها معه من 5 سنوات وهي مطلقه وانه يروح معها شقق على انها انا مسجله عليه كل مكالماته وصوره وكل شي
وارسلتها لي ولما واجهته انكر هالشي وقال كذب ومدري وشو انا مفهمتها اني ماقلتله شي وهو وريته كل شي
تخيلوا نزل من عندي بعد ما وجهته كلمها يقولها حبيبي مقدر اكلمك هاليومين بس تهدا الاوضاع برجع اكلمك يعني ناوي يبقى معاها اللحين بكمل شهر من واجهته ولازال معاها ولازالت كل ما كلمها تسجل مكالماتهم وترسلها لي قال بغير ارقامي غيره وبقى القديم معه واللحين هو يخطط معها وش يقول لي وهي تقول لي كل شي
قالت والله انه قالي انه مطلق وما ادري انك باقي على ذمته ومن عرفت انه كذاب قالت والله لاساعدك عليه وصارت تعطيني كل شي وكان واعدها انه بس يخلص ديونه ويتزوجها
انا حسيت ان زوجي من جد يحبها وما يبغى يخسرها
واني ما اسوى شي بنظري لانه ما يتكلم عني عندها الا يقول الجزمه حسبي الله عليه قصده انا
انا لمى واجهته حرمت عليه جسمي ونفسي ليوم الدين وببقى معه بس ام اولادي وهو احسه مو فارقه معاه
بالله ساعدوني واعينوني
انا طول ليلي ادعي واصلي
وابغى مشورتكم
اسفه طولة عليكم وترى ما كتبت كل شي
يلزم عليك تسجيل الدخول أولًا لكتابة تعليق.
الله يكون بعونك ويصبرك
قصتك تعور القلب مابيدي الا الدعاء لك
الله يهديه ويسخره لك
بس احس لازم تتواصلين مع مختص
في هاذي الامور والله هم اعرف
روحي لدكتوور نفسي ولو بالتليفون
موفقه ياعمري
قصتك تعور القلب مابيدي الا الدعاء لك
الله يهديه ويسخره لك
بس احس لازم تتواصلين مع مختص
في هاذي الامور والله هم اعرف
روحي لدكتوور نفسي ولو بالتليفون
موفقه ياعمري
الصفحة الأخيرة
انا طول ليلي ادعي واصلي = خير ماسويتي الصلاه راحة بال ومالك غير الله ثم الدعاءوكرري هذا الدعاء وافوض امري الي الله ان الله بصير بالعباد