زوجي السخيف ضايف بنات في البلاك بيري

اليوم موضوعي اهبل لكن صايره دي اليومين متواجده واقراء كتير مواضيع فقلت اكتب مشكلتي اللي صايره مو مشكله صايره اكشن فلم

انا من سنه شاريه بلاك بيري اتنين واحد ليه وواحد للمحروسه زوجي :arb:
طيب علين هنا وكل شي حلو ياحلو
انا مافكرت انو انبش من واره
وداك اليوم المشؤم لقيتو رامي البلاك ورايح يتروش وزوجي ماشاء الله عليه انسان يحوب النظافه
يجلس بالساعه في الحمام مو عارفه ليه قولت اشوف جهاز
المحروس واثق انو مابفتش من وراه
فتحت البلاك ولقيت انواع السخافات والله انو حرق دمي وفورني
ضايف بنات كتير مدري من فين مجمعهم :09:<<< شكلو من الشارع
انا أنقهرت لانو شايفه برود كاستات كولها حب وغزل والله ماعمره ارسلي حاجه منها
انا اللي ارسل وهوا حتى مايفكر يرد عليه
انا اضفت كم بنت عندي وهوا مايدري
مدري اللي سويتي صح ولا لا

المهم انو لمن طلع من الحمام انا عديت الهرجه ماكانو فيه شي سويت شاهي وجلست معاه الا اساله سؤالي عادي انتا ضايف مين في البلاك بيري
يرد عليه بكل وقاحه مو ضايف احد ليه؟؟ ياحرام والله صح مو ضايف امكن شفت جن انا :42:
قولت طيب طيب يا ....... اوريك انا
طلع كالعاده ورجع الفجر انا ماقدرت امسك نفسي فقمت اقوله انا شوفت اللي ضايفهم عندك
قام يزعق ويصارخ انتي ايش دخلك تفتحي جهازي
ايش دخلني يا حيوان ؟؟؟ ايوا صح نسيت اسب اانو ليه دخل
يقولي انا مانبشت ايش عندك وايش ماعندك
قولت ولا راح تفتش ولا راح اسمحلك من اليوم تفتش من ورايه قولت امكن يغار
بس انو مااتحرك فيه شي
مدري هوا اهبل ولا انسان يستهبل ولا من الاساس فيلو هباله
دحين انا متنرفزه انو انا اللي اهديته البلاك نفسي اخده منو وارميه في الزباله