dnno :

اسمحي لي أقولك .. إذا عندك المقدرة على الصبر وقادرة على تمثيل دور الخبير والمختص النفسي لعلاج سلوكه .. كوني بجنبه .. ولكن كوني مثل اللي لا أسمع , لا أرى , لا أتكلم , لا أشعر ..وجنّدي نفسك بتوكلك على الله وتقوية دينك وعلاقتك مع الله ثم الألمام بأساليب الطب النفسي لمواجهة سلوكه العدواني وشكه المرضي حتى يتغير ..وهذا يبغى له مشوار طويل وصبر كبير .. ولا أظن إنك تزوجتي لهذا الهدف .. واضح أختي إنك إنسانة مرهفة الحس وصفة الرحمة ملازمة لك .. عشان كذا رحمتيه .. وأغفلتي نفسك فمن سيرحمها من تصرفاته إلاّ الله ثم أنتِ ..وأحمدي الله الذي منحك أهل ووالدين يخافون عليك .. مشكلته هذي تتعلق برقبة أبوه .. اللي فكر في نفسه ورماه .. الله يكفينا شر أنفسنا ..وتركه بدون حسيب أو رقيب وأهمل إشباع جانبه العاطفي ونشأ ناقم ومتذمر وشاك في كل ما حوله ..إيش ذنبك تدفعي ثمن غلطة ما لك يد فيها .. صحيح هو ما اختار قدره وماله ذنب في اللي حصل له .. ولكن بإمكانه اختيار مستقبله وتعديل سلوكه إذا كان معترف بوجود مشكلة عنده .. ترى الشك حــــــــــــــرام .. فهو يمارس الظلم عليك ولا عنده نية في التغيير .. حبك الكبير له اختلط بالرحمة وكونه أو رجل في حياتك ولو جربتي رجل آخر .. يمكن تقولي كم كنت غبية ( عذرا على هالكلمة ) .. وش مصبرني عليه وعلى عقده وشكه وسوء عشرته ..وإذا كان على حبه لك .. مو شكرا له .. أنتِ إنسانة محبوبة وعشرية وأي شخص سويّ بتصادفيه راح يحبك ..يعني ما فضلك بشيء ولا خصك بمعاملة حسنة وأنتِ ما تستاهلين .. ولا شاف فيك حاجة سيئة وصبر عليك ولا مسك عليك حاجة تدينك .. بالعكس وضع فيك شيء مو فيك .. ورماك بتهم وأباطيل نسجها من تفكيره وتخيلاته ( اللهم عافه مما ابتلاه ولا تبلانا يا أرحم الرحمين ) .. نصيحة انتبهي تحملين منه وتجيبي مصيبة فوق مصيبتك .. ساعتها خلاص تكوني مربوطة فيه ولا فيه فكة منه حتى لو تطلقتي وبيكون ولدك مثل مسمار جحا ,, كل شوي بينط لك في وجهك .. هذا غير أنه راح يأخذه ويحرق قلبك عليه. وإذا على الشقة والوظيفة هذي كان لابد يوفرها من أبسط حقوقك ومن أبسط واجباته .. اعرفي حقوقك زين .. تدهورك حالتك النفسية ومضايقة أهلك وأزعاجهم لازم تكون أول اهتماماتك ..ليه ترضي تعيّشي نفسك هالعيشة .. بالطقاق كلام الناس .. اضربيه بعرض الجدار ولا تلتفتي له .. الناس على كذا وكذا بتتكلم .. سواء طلقتي أو صبرتي ( ما فكرتي أنهم يمكن يقولوا ليه صابرة عليه كل هالصير .. أكيد ماسك عليها شيء .. وكلامه وشكه في محله ) حاشاك أختي عن هالكلام وتكرمين عن هالظنون .. ولكن حبيت أعطيك مثل .. والطلاق كان عيب في السابق ولكن الآن ما فيه بيت إلا وفيه مطلقة أو ثنتين .. الطلاق حلال لمثل هالأمور .. مطلقة بكرامة خير من زوجة مهانة .. الله يوفقك لما يُحِبُّ ويرضى ..

اسمحي لي أقولك .. إذا عندك المقدرة على الصبر وقادرة على تمثيل دور الخبير والمختص النفسي لعلاج...

totolife22 :

والله حالك يحزن مانتي عارفه قيمة نفسك وترخصيها مع واحد كان مدمن وعاطل وشكاك ويضربك ويسب اهلك واحسه بعد مريض نفسي ولسى صابره وتبينه ينعدل ووتحطي له اعذار وتصدقيها وترا الحب بتلاقيه عند اي انسان محترم ومثقف واللي يزعل انك تبين تطفل منه وش ترتجي منه وكيف بيربي هالطفل بتحملي ويقولك مو ولدي ويلا تبدا مشاكل نفقه وغيرها وياخذه منك اتخذي قرارك سريع وفكري انتي موظفه وتقدري تبدي من جديد مع انسان متزن

والله حالك يحزن مانتي عارفه قيمة نفسك وترخصيها مع واحد كان مدمن وعاطل وشكاك ويضربك ويسب اهلك...

أخت أخوي₩ :

حرام عليكي انفذي بجلدك اي اطفال من واحد شكاك تبغين تنضربين قدامهم وتسمعين صراخهم وقتها تقولين ياليت سويت وسويت انت الحين عالبر 

حرام عليكي انفذي بجلدك اي اطفال من واحد شكاك تبغين تنضربين قدامهم وتسمعين صراخهم وقتها تقولين...