زوجي الطباخ؟

مساء الخير ع الجميع




يا بنات شابّةٍ تسبدي من هالرجل، تخبرن الحرمه ما تحب احد يصير فوق راسها وهي تطبخ
يا ربيه من زوجي بكل شي لازم يتدخل 😭
اليوم عندنا ضيوف وتعبانه انا وبي هدّة حيل ولا دريت الا متأخره
الحمد لله اني اشتغل اول بأول والا كان بلشت بالترتيب
واجي ببدا بالعشا الا هذا ابو كريشه داخلٍ قبلي 😭
ومطبخي صغير عساه مكفّيني انا ومواعيني 💔
والله ويقوم يبدأ يطبخ اللحم ويحط من هالبهارات ما خلَّى شي ويكب من هالملح
صرت اكره اشوفه وهو يحط ملح عشان ما يرتفع ضغطي 😭
وانا ساااكته ما لي خلق لكثرة الكلام وأحاول اني أصير هاديه قد ما اقدر
ويسوي الكشنه (قبل ما يخلص الرز 🙂 ) وبرضه يحط من هالبهارات وهالصلصلة وينرفزني يقول هاه خلاص يكفي كذا؟ ويزود من الصلصة لين صارت كشنة صلصة بالبصل 😩
وانا سااااكته ومتنرفزه وعلى أعصابي ابيه يطلع من المطبخ
ويحوس ويكبّب ع الطاوله والأرض ويالله اجي انا وراه انظف واغسل
لين وصلنا للسلطه ويجي هو يملحها جيت انا قلت خلاااااص بصوت شوي عالي
من اول كاتمه نفسي ومتحمله لين خلاص غصب رفعت صوتي
جا هو قال اسكتي لأضرب ع وجهك جيت انا وعطيته ظهري قام جرّ أذني بقوه 😭
وسكتّ ما تكلمت ابد خلصوا من العشا وجا يبي الشاهي سويته وانا ساكته ولا اناظره


افكر اذا طلعوا الضيوف وبَقى ابوه اروح اعلمه عن حركته هذي 😭 لان قد سوّاها بي قبل وحلفت اني اعلم عليه ابوه لو سواها مره ثانيه ..






يمكن بعضكم يشوف انها مشكله سخيفه بس انا ابي اطلع اللي بقلبي من أول كااااتمه نفسي 😭