زوجي الطيب

الأسرة والمجتمع



اول مره ادخل هالمنتدى بصراحه السبب اللي خلني ادخل واطرح مشكلتي هو ان ما حد يوقف معي وينصحني قلت مالي الا الله ثم اخواتي اللي بالمنتدى جعل ربي ما يوريكم حزن ولا ضيق
انامشكلتي هي ان زوجي متغير عليا لان لين الان
ما قد حملت لي الان سنتين وسبع شهور من يوم
تزوجت في البدايه كان مهتم فيا بس في الفتره الاخير يكلمني بطرف خشمه وما يسولف معي ويعاملني بقسوه
واذ طلبت شي يقول لي لا وما يوديني السوق الا في
الاعياد او لزواجات اقاربي رغم اني من يوم
تزوجته اللين اليوم ما عمري كلفته شي فوق طاقته
حتى بيتي مبهذل تخيلو في شببابيك في الصاله
مفتوح يدخل منها الغبار والطيور والجدران تاثرت
من التراب وصرت ما استقبل احد ومقصر معي في
الاغراض المهمه يعني يداوم والبيت فاضي مافيه
اكل واجلس جيعانه لين يروح واكل معه حتى
المويه حقة الشرب نادرا يوفرها مرات اجلس
عطشانه لين يرجع وع هذا كله جلست صابره
واجلس ابكي وجلست سنتين كامله ما قلت لاهلي
ما ابغاهم يدخلون في حياتي بس وربي تعبت جتني
نفسيه بس ابكي وما عاد اطلع بس بعد سنتين
وست شهور صارت بيننا مشكله و رحت بيت اهلي
قلت لاهلي بحالي معه وابوي عصب قال انا عطيته
بنتي وامنته عليك وفي النهايه يسوي كذا قال
خلص اجلسي في البيت لين يجي ونتفاهم وجلست
يوم واليوم الثاني جاب هديه وجاء يعتذر وابويه
خاصمه وقال له حرام عليك قام زوجي قال انا
الغلطان وانا اسف وانحلت المشكله ورجعت معه
وتغير وصار يهتم فيا بس كم يوم ورجع لحالته
بنات زوجي جرحني كثير وربي كل يوم ابكي اقول
هو يبغا عيال وانا ماجبت له وقلبي يتقطع واحس
يعاملني كذا عشان الشي ذا لانه من اول شهر زواج
وهو فرحان يبغني احمل وكان كل شهر يجيب لي
تحليل الحمل يجيب اثنين واذ حلللت وطلعت مو
حامل هو يقول حطي لي البول في فنجان انا اللي
بسويه امكن انتي ما تسويه صح ويطلع ما في
حمل احسه يحزن وانا قلبي يتقطعه وكل دوره
اجلس خايفه وهو ما وداني اتعلج الا مره وحده
وبعت ذهبي وهو زود من عندو ورحنامستشفى
خاص وبعدين ما عاد رحنا لان اوضاعنا ما تسمح والمستشفيات الحكوميه مره زحمه وما يمديه يوديني عشان دوامه
وفي النهايه انا قلت لكم كذا بس عشان افضفض
وارتاح ويارب القى احد يرد عليا و يقول ليا كلام يفرحني
32
5K

يلزم عليك تسجيل الدخول أولًا لكتابة تعليق.

تسجيل دخول

fofo85
fofo85
الله يفرج همك ويرزقك بالاطفال اللي يملون عليك البيت ويعوضونك عن الايام اللي عشتيها
(خلية النحل )
(خلية النحل )
الله يرزقك بالولد الصالح يارب العالمين استغفري كثير حبيبتي
فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين
أولادي أغلى ماعندي
طيب فحصتي نفسك وشفتي فيك شي ولا لا
هو كمان ليه مابكشف مو ممكن منه السبب
اما تصرفاته فعدم خلفتك ماهي السبب
مالك الاسنتين اجل لو ماربي كتبلك لاسمح الله ذرية ايش بيسوي
بيموتك جوع
وحتى لو خلفتي بيفضل على نفس الحال
وبدل مالوحدك اللي تعاني بيعانو اولادك معاك
اتفاهمي معاه وخله يقوم بواجباته
والا كلمي ابوك ثاني
شغلة اخيرة من فين زوجك طيب
ولاهو حول الطببة
الطيب مايجوع اهله ولايقصر عليهم ولايحرمهم
ولايبيع زوجته ذهبها عشان يعالجها
بدريه هانم
بدريه هانم
رددي لاحول ولاقوة الا بالله وشوفي النتيجه.
تنقلب حياتك من حال الى حال.
الزميها وشوفي السعادة
دلووووعه و ذووووق
الله يفرج همك ويرزقك الذريه الصالح