شوفي ..
انتي الان رحتي عند اهلك عشان ترتاحين وتروقين صح ؟
هذا المطلوب ، اجلسي عندهم كم يوم لين تروقين بعدين ارجعي له
يعني لا يحس ان طلعتك طلعة زعل وانك تنتظرينه يراضيك
فهمتي علي؟

اجلسي كم يوم وريحي نفسك ولا تهتمين سال او ما سال فيك او بالبنت
مشكلته لو ماعنده احساس بالمسؤولية ..

مستقبلا ازعلي باسلوب راقي ، يعني غلط عليك لاتردين انما وريه
بملامح وجهك انك زعلتي ، راقبي بعدها تصرفاته عشان تشوفين هالاسلوب
نفع او لا ..

الله يهديك يا حبيبتي انتي غلطانه لانك رفضتي ان بنات اخته يحون عندك وهم لو انهم ما يستانسون عندك ما بغوا الجيه يمك والغفوه تقدرين تاخذينها وهم عندك بالعكس كبار ممكن يمسكوا لك بنتك بفتره راحتك وكان كسبتي فيهم اجر
والتمشيه ياقلبي ما اشوفها سبب قوي يخليك تسوين منها مشكله هي اذا ماجت من نفس تصير بايخه وتضيق الصدر
وطلعتك مع سواق عاد هذي اللي مال امها داعي
وانتي تعرفين زوجك مايحب تروحين معاه ولا وقالك اذا رحتي معاه لا ترجعين بصراحه طلعتك طلعت الحرمه العنيده اللي ما همها رضى زوجها
المهم الحين اللي صار صار قولي لاخوك يرجعك ويقول انه هو اللي جابك واعزمي بنات اخته عندك وونسيهم وهو راح يفهم انك تبينه يرضى عليك وباذن الله راح يرضى واذا زوجك كان من النوع اللي يغلط انصحك انك ماتردين عليه واستغفري كثير والله وباذن الله راح يهدا ويصير احلى من العسل
والله يفرج همك ويريح بالك ويسخر لك زوجك يارب

سالفه انك رحتي مع سواق لا يعرفها افضل لانه محذرك وثانيا الأفضل خلي احد من اهلك يكلمه اخوك ابوك عمك خالك او حتي امك اذا تمووون عليه طبعا يكلمونه بهدوووء وليش والبنت ماقصرت معااك وماطلبت شي تبي تتمشي مايصير بعد تحبسها هي مسؤوله منك وكم كلمه حلوووة وسالفه بنات اخته هو صحيح غلط يجون بدون موعد وانتي ماتقصرين معاهم بس تري غالبيه الرجال كذا اذا احد من أهلهم بيجي يبي الزوجه ماترده ويزعلون كثير فالي صار شي عااادي

الله يصلح مابينكم
١- غلط ان الزوجه تهدد انها بتروح لاهلها. لان الرد الطبيعي للزوج انقلعي من ماسكك

٢- لاتخيرينه بين امرين لانه بيختار الامر الي يغيضك

٣- انتي بتطلعين تغيرين جو وتنبسطين. يعني لازم يكون زوجك رايق. ولا ايش فايدة التمشيه وهو مغصوب ومن ورى خشمه !

٤- اذا حدد لك شخص معين ماتطلعين معه. مثل السواق يعني. التزمي امرة. حتى ماينقلب الغلط عليك.

٥- مو شرط اختة تستأذن منك ويكفي تستأذن من صاحب البيت الي هو اخوها. وبسهوله اذا عندك عذر تكلمينها وتعتذرين وتعطين موعد اخر.

٦- بنات اخته صغار وتمونين عليهم. مو لازم تتحرجين من جيتهم. مكانك اخليهم ياخذون راحتهم بالبيت واوصي لهم شي من البقاله واحط لهم فلم واطلب منهم يديرون بالهم على بنتي واني بغفي ساعه بينيسطون

٧- لايجرك بالغلط واللسان البذيئ وتصيرين تشبهينه كرري عليه انا متربيه على احترام الناس ماراح اصير نفسك.

٨- ارجعي بيتك وقولي ان اخوك الي جابك وهو الي اخذك واستهدي بالله عطري البيت رادحري الشيطان. وحلي مشاكلك ببيتك

٩- اذا ودك زوجك ينصلح حاله. ابدأي بنفسك اولا ابحثي عن عيوبك واصلحيها بالتدريج ، واقبلي زوجك وحبيه مثل ماهو لاتحاولين تغيرينه ، هو من نفسه بيتغير اذا انتي تغيرتي

لله يهدي نفوس ويسخره لك