عزيزتي الغالية والله ما أعرف شو أقولج للأسف زوجج إنسان مغرور بنفسه ودايما هو اللي يبدأ ويهددج بالطلاق فلك عندي بعض النصائح:
أولا: حاولي إنج ترجعين شغلج وهذا أهم شي حاليا ايكون بايدج مصدر دخل ثاني والظاهر انه انتبه لها الموضوع فأجبرج على الاستقاله علشان ما تستقلين عنه
ثانيا: خليه يسوي اللي يباه وإنت لا اتحسسينه إنج غيرانه بالعكس اهتمي بنفسج وبعيالج ولا اتخليهم يحسون إنج زعلانه
ثالثا: إذا حاول يهينج مرة ثانية وقفيه عند حده وهدديه إنج بتطلبين الطلاق ولا اتقولين ما أقدر وحاولي ما اتبينيله تعلقج بالعيال أذا هددج فيهم قولي له أحسن خذهم إنت علشان أتهنى بحياتي( طبعا الله يعينج بهاي اللحظات أكيد صعبة على كل أم ) روحي لمحامي واعرفي تفاصيل حضانة الاطفال وحقوقج
الغالية إذا إنت سمحتيله إنه يتمادى عليكي أخاف يتمكن منك المرض وبعدين فعلا عيالج ما بايكون لهم حد بعد الله فاهتمي بصحتج وعيشي حياتج ترى الحياة حلوة بس إحنا للاسف لما اتكون عندنا مشكلة تسود الدنيا بعيونا . والغالية طبعا لا تنسين الدعاء الله يفرج همج ان شاء الله ويشفيج وايعافيج