لا لا لا تفكري في الطلاق أبدا عشان الأطفال ... لو فكرتي بهدوء وتأني راح تلقي 100 حل إن شاء الله ..
ريحي نفسك هذه الفتره .. وهدي أعصابك وفكري بتأني بطرق تخليه يتعدل وما يكرر كلمة الطلاق كل مره على لسانه .. وكمان يلغي فكرة طردك من البيت بعد كل مشكله ..
رائ إنك ما ترجعي بسهوله خليه يعرف إن لك قيمة .. واعرفي إن ما يصير في الآخر إلا شئ الله كاتبه
ولا تنسي الدعااااااء بأن الله يهديه ويسخره لك .. وكمان صلاة الليل والصدقة وكثري من الإستغفااار
الله يوفقك

ياعمري صدقيني قصتي مقاربه لقصتك كثير كثير
حسيت وانتي تسولفني كانك تقولين الي فيني ..

دوم انطرد بدون سبب وكلمة والله العظيم بطلقك بطلقك انا مطلقك دوم اسمعها

مالك الا الصلاه والدعاء ان الله يصلحه
والطلاااااق مو هو الحل
وش مدريك ان لو تزوجتي مره ثانيه مايكون اخس منه واطين
اصبري ودوم خلي في بالك ان صبرك عليه فيه اجر وثواب ان شاء الله

اذا انتي واثقه من نفسك انك مو مقصره بحقوقه ابد وماغلطتي عليه بشي
خليه يولي بسلامته

اما يعاملك باحترام ولا بقلعته

من عافنا عفناه ومن باعنا برخيص بتراب ينباع

استخيري والله يكتب اللي فيه الخير

أنا أرى أنه شخص كزوجك لا خلق له لا يمكن العيش معه

و خروجك اليوم من منزله و معك طفلين خير من خروجك غدا و معك خمس أو ستة أطفال

و لكن قبل أي قرار عليك بالاستخارة

أعانك الله

اختي الكريمه ......

أولا : خلج على قرارج بإنج ماتردين له الى في حالة وحده انه غير من اسلوبه في معاملتج واحترمج وقدرج وانتي انسانه مب من حق اي انسان انه يحط من قدرج وحتى لو كان ريلج !!!!!!!!!!!

وإنه يناديج ب؟؟؟؟؟ اثناء ممارسة العلاقة الحميمه اكيد الريال فيه خلل واعذريني على هالكلمه مريض نفسيا ولازم يتعالج وإلى ماراح تتغير معاملته لج ابداااااااا

ثانيا : فكري وركزي بتفكيرج زين ؟؟ انتي صبرتي 4 سنين ويا هلإنسان ويبتي طفلين منه اسئسلي نفسج ؟؟ هل عندج استعداد انج تستمرين وياه ؟؟ وترا استمرارج وياه يعني المزيد من الأطفال .................

فكري بعقلانيه وبعيد عن العاطفه ....... ماظن ان هالطفلين إذا تربوا ويا أب مريض نفسي ويشوفونه يطرد امهم ويشتمها راح ينشئون تنشئه سليمـــــــه ........

اللي ابي اوصله ...... انتي الوحيده اللي تعرفين ريلج زين ونتي الوحيده اللي تقدرين تحددين هل تقدرين تستمرين وياه او انج تتطلقين وترا الطلاق احيان حلللللللللللللل ........ ولا ماشرعه رب العالمين

وعلى فكره ترا اسلوبج وياه هو اللي خلاه يتمادى ...... واي انسانه تقبل من البدايه انه زوجها يشتمها او يشتم اهلها تتحمـّل كل اللي بتلقاه من ريلها

نصيحه لوجه الله يابنات ....... قولي لريلج ستوب عند الغلط .... ولا بيتمادى في أغلاطه

ولاحظوا ان في انواع وايده من البشر مريضه نفسيا وتحب تفش غيضها على اقرب الناس
الله يفك ضيقتج اختي الكريمه :26: