زوجي العصبي الكريه ادخلو من فضلكم :(

السلام عليكم بنات


كيفكم؟


حبيت افضفض لاني تعبت ...و اسفة بطول عليكم


زوجي عصبي و عصبي كثيييييييير و هذا الشي ما كنت اعرفه قبل لا اتزوج و انا لو كنت اعرف انه عصبي كان ما اخترته لاني ما احب العصبيين الي سمعت عنه انه هادئ و طيب الخ ....بس هو ما هادي ابدا .
اخواته لما اجلس معاهم يحكولي انه عصبي و اني ما عرفته زين ولا شفت عصبيته و انه يضرب ..و وحده تحكيلي انه صفعها لحد ما انجرحت ... و وحده حكتلي انه ضرب قبل عرسي ضرب اخته .
و غالبا الاسباب ما تلجأ الواحد للضرب ... و اخواته اعرفهم زيين زيين مستحيل يقوولو كذا لانهم يكرهوني او شي
و جاه اليوم الي شفت فيه عصبيته ... بسبب موضوع تافه طردني من البيت طردة الكلاب بكل معنى الكلمة شدني بقوه لبرع البيت و رجعت داخل اخذ اغراضي عشان اروح لحقني و صرخ علي و يهدنني بالضرب و يقولي كلام جارح و صريخ و انا ما جلست البنت الضعيفة و الحزينة اعطيته حقه من الكلام و وريته اني قوية ولا اخاف و ضربني على رقبتي و دفرني و رحت اخذ اغراضي و بغيت اطلع من البيت وقتها هدا و تغير ١٨٠ درجة ولا كأنه هو و يكلمني بدلع ولا كأنه صار شي قبل شوي... و انا تمسكت بموقفي و قلتله اني راجعة البيت عند اهلي ولا سامحته و هو يشوفني مكبره الموضوع ولا له داعي زعلي ..
ضل يترجاني اسامحه يوم كامل لحد اليوم الثاني و كنت راح اروح بيت اهلي في الصباح خلاص بس تعبني لحد ما سامحته بس خليته يتعب كثييييير لحد ما قبلت اعتذاره.


و طبعا هذي ما اول مشادة بينا دائما عصبي و عصبي كثييير


استغرب منه... تزوجني و يبي يغيرني .


هو يحب الالتزام و يريد بنت محجبة وملتزمة ولا تروح اعراس ولا تروح صالون الخ الخ ... طيب ليش ما راح تزوج بنت كذا ؟!
انا محجبة و بحترم الناس و اصلي و اقومه للصلاه ... بس حالي مثل حال البنات اروح اعراس و اتزين و هو ما يعجبه ليش اروح العرس و اتزين و اسوي شعري ... و كلما يكون في مناسبة عرس او ملكة يسألني هل لازم اروح ووغالبا من صوب اهله ... و اذا اريد اروح الصالون يعصب ليش اروح الصالون و ما يعجبو سوالف صالونات ... و اذا لبست علق على لبسي و عباياتي حتى يعلق عليها و هي مافيها شي ما مخليني براحتي ...معقد جدا جداااا ... و هذا ابدا ما غيره بس هو كذا.
ما يريدني اكون مع صديقاتي ابدا ولا اروح عندهم بس عادي يجيو عندي ولا اطلع كثير ولا ولا ولا ....
ما احس اني مرتاحة ... اريد احس بالحرية شوي احس محنوقة... اشتاق ايامي قبل الزواج كنت حره و سعيدة مع اهلي احيانا أسأل ليش تزوجت و تبهدلت كذا و انا اشوف البنات تزوجو و مرتاحين ..
من ناحية التقصير هو عادي مو مقصر يعني مثل اي زوج يصرف علي ... عنده تفكير عصر الجاهلية ...
من تصرفاته كنت احس انه يكره النساء ... و فعلا اعترف وحده انه يكرهم طيب ليش تتزوج و تحول حياتي جحيم ...
ما يشوف انه من حق البنت تتعلم لانه مكانها بيت زوجها فمافي داعي التعليم لها و لا الوظيفة ... كريه كرييه تفكيره كرييييه
و كل شي يعصب و انه هو الصح دائما مهما كان و مستحيل يعتذر يمووت ولا يعتذر ... و اذا اعتذر ما يريد يعترف بالغلط بالضبط .
والله اني بنت طبيعية حالي مثل حال البنات مهتمة بديني و بحياتي بلبس و بكشخ و بحترم الناس و بحب اهله بس ااريد انسان متفتح يراعيني كبنت
ما اقولكم انه يكرهني هو يحبني بس انا ما قادره اتخيل اني اعيش معاه عصبيته تصرفاته تفكيره و طبعه تنفرني منه كرييييييه صاير بالنسبة لي و اريد فعلا فعلا ابتعد عنه .
مافي بينا اطفال ...
و حتى موضوع الاطفال طلبت منه نأجل الموضوع لسنة على الاقل و مو راضي يبي اطفال الحين
و يقولي لا تحلسي تاخذي حبوب منع الحمل بغيابي و تخبي علي.


فيه شك حياته كلها شك ما يبي احد يخدع عليه و ما يهمه يتهم اي حد حتى اناا يتهمني بأي فكره في راسه بدون تفكير و تفكيره نذل جداااا انا بنت محترمة ليش تفكر كذا يفكرني نفس بقية البنات كله بسبب كره للبنات ..


و طلع عندي مشكلة انا فصرت اتعالج بس انا ما مقتنعة والله ما ابي اطفال الحين ابي اعقل انا عشان اجيب اطفال ..و دعيت ربي كثير ..
احب الاطفال بس هم مسؤولية بس حتى لو حملت بشكر ربي اكييد ..بس انا ما ابي اجيب اطفال و ادري حياتهم بتكون تشتت و هم في بيتهم و بيعيشهم ابوهم في تعقيد و انا ما ابي هذا الشيء ...


لانه من شخصيته الكريهة متأكده انه بيحرمني منهم و بيذلني مذلة ببكي دم عليها ... و مره قالها باخذ الاطفال معي و بتزوج عليش ... قالها حتى ما عندنا اطفال شوفو كيف كريييه ...
في جوانب زينة و طيبة بس هو كريييييه جداااا
شكيت لاخواتي و لصديقة عزيزة علي عشان على الاقل حد يعرف بحالتي عشان اذا جاه يوم احتجت احد يوقف معاي راح يكونو هم يساندوني ....


ادري انه اهلي ما راح يكونو راضيين بإلي يسوويه و هم شايفينه ملاك و رجال و شهم ر احسن واحد بنتهم اخذته ... بس انا و اخواتي ساكتين عليه ...
اسفة طولت عليكم بس طلعت كل الي في راسي من افكار الس تعبت منها اتمنى ما تزعلوا مني .


ودي بالانفصال ودي تصير مشكلة و ارجع بيت اهلي و انهي الموضوع ....اريد اشوف حياتي بدل اقضيها مع واحد مريض فكره و يبهدلني طول حياتي مخليني خدامة في البيت عنده و انا اطمح اني اطور من نفسي و احسنها و هو ضد التطور يبيني ما ادري ايش .


انصحوني يا بنات ... ابي ارتاح ...ما راجعت كلامي الي كتبته فأسفة على الاخطاء الإملائية.