زوجي العنيد .... ووين نروح ؟؟؟

مشكلتي اننا ناويين نبني الطابق الثاني في بيتنا باذن الله ...
والموضوع بياخذ تقريبا من 8 اشهر الى سنة تقريبا ...
وحاليا انا حامل في الشهر السابع للطفل الرابع وموعد الولادة في شهر مارس ...
ادعو ربنا يسهل....

لحد الحين حلوين ...

والبناء معناه البيت بيكون ازعاج وعمال وما بيكون فيه خصوصية ....
وما نريد نأجل الموضوع لاننا مخططين له من زمان وانا انتظر بلهفة ان نوسع البيت ونوسع على نفسنا .....

المشكلة
ان زوجي خيرني ان نطلع من البيت نروح نسكن بيت حماتي وهي عايشة بروحها ...
وهي انسانة سليطة اللسان وتحب كل شي perfect.... ما تستحمل الشغالات اولا وتحب تعيش على نظام معين لا يتجراء احد على نقاشها حتى اولادها ...
وانا عشت معاها لأربعة سنوات ذقت فيها المر والويل .... آآآه


او الخيار الثاني ... بيت اهلي طبعا باروح دون زوجي .... وهناك والديني واخوي وزوجته وعياله ...واختي وزوجها وعيالها ...... احتمال استحمل يومين اسبوع ... بس ما أعتقد اكثر .... اخواني وابوي وايد عصبيين ويا ويل اللي يتطاول على اولادهم ...حتى لو بالغلط ... وعالي اذا حد هزأهم أموووووووووووت ... وطبعا ما بقدر اقول شي لانهم اهلي ....

اقترحت على زوجي نطلع شقة اجار لسنة .... وقلتله اني بتكفل بدفع الاجار عشان ما أضغط عليه ... كفاية عليه مصاريف البناء... ونرتاح وناخذ راحتنا ... انا اشوف ان اولى ما علي راحتي وراحة عيالي .... شو فايدة الفلوس في البنك واحنا نتعب ونتبهدل... صح ولا ؟؟؟

المهم زوجي الحبيب رفض رفضا قاطعا ....

هو يشوف ان وضعنا مو متحمل مصاريف زيادة ... وانها فترة مؤقتة ولازم نستحمل وندوس على كرامتنا .... وان فلوسي حقي وهو ما يقبل اني ادفع فلس عليه ... عنده كرامة وايد !!!!

ارجوكم اشيرو علي....
بنقهر اذا رحت بيت امه من النزاعات والذل والنظرات.... وبمووت قهر اذا رحت بيت اهلي والسكوت على كل تجريح ....
وزوجي مو راضي يفهم اني ابي راحتي وخصوصا بقدم مولود جديد... والله عندي اكتئاب من هالمشكلة .....


يالله ساعدوني ارجوكم ..........:44::44: