moonnn1 @moonnn1

محررة

زوجي الغريب ماعرفتله

اول شي انا موظفه والحمدلله بس عندي زوج غريب قد شفتوا زوج مايبي زوجته تروح مشغل والله وبدون مبالغه من تزوجته وانا اشحذه يوديني مشغل وبعد نفاسي مارحت مشغل الي كل الحريم يروحوله من ولدت للحين صارلي سنتين وانا اقوله ابي مشغل كل مره يصرف مره يقول زحمه اليوم خليه اليوم الغلاني واذا جاء اليوم الفلاني قال لا تعبان ومدري وشو خليه اليوم العلاني واذا جاء قال لا مشغلك بعيد اختاري واحد قريب وش قريب المشاغل القريبه مو زينه وانا ابي اصبغ شعري واسوي حمام مغربي وبدكير ماقد سويت بعمري شي ابد حتى جسمي احسه وصخ لازمله حمام مغربي من بعد الحمل فيني سواد برقبه والاكواع وكذا وهاذا الرجال مو راضي يوديني حتى شعري اطرافه متقصفه ورجولي من تحت باطن الرجول خشنه وجلد ميت ايش اسوي بعمري هالرجال رافع ضغطي واذا قلتله بروح بنده او كارفور كاني ضاربته كف ع وجهه تعبت مت كثر ماقوله ودني في اشياء ابي اخذها هو مايعرفلها بس يقول لا اكتبي اغراض الي تبينها واجيبها واذا جابها الا هي مو نفس الي ابيها ويجيب شوي اربع ايام مخلصه ابي اروح اخذ الي نختاجه ويقعد شهر مايخلص كل الناس كذا وذا يجيب بتقصيط كل يومين ثلاثه مخلص علي شي ياناس يجيب حليب سائل حبتين بس وحليب نيديو يجيب الصغييير مر وش هالبخل ولامطاعم يوديني ولاشي الا اذا كنت انا بحاسب تعبت من كثر مازن وهو مايستجيب عليه اصرار عجيب يماطل وكل يوم له عذر ويوعد ولاينفذ وش الحل

يلزم عليك تسجيل الدخول أولًا لكتابة تعليق.

تسجيل دخول

moonnn1 • 9 سنوات

جواهر العتيبي12 :

لا يمكنك مشاهدة هذا التعليق لانتهاكه شروط الاستخدام.

ماعرف كوفيرات كويسات يجون للبيت اذا انتي برياض وتعرفين عطيني ارقامهن

فهده ال عنزي • 9 سنوات

مدري هو بخل او مايبك تروحين
لان في نوعيه رجال مايحبون زوجاتهم يرحون مشاعل يخافون يصورونهم ولا انو في المشاغل ناس مو زينه
وبعضهم يحب يروح هايبر لحاله عشان ماتقروشه المره بطلبات كثيره
او مايحب المراه تروح وتجي حدها البيت
انتي اعلم وش في زوجك
بس تقدرين تشترين لك خيمه الساونا وتتنقعين فيها حتى سعرها مو غالي
واشتري لك اشياء عنايه بالرجل في الحين زي الجوارب تلبسنه وتبدى تقشر الرجل وترجع زي البيبي
من العطار كريمات وسنفرات
امرك لله
اذا عندك انستقرام ببحثي غن موفيرات وشوفي ولا اسالي اللي معك بالعمل او اهلك

ماجدولين 66 • 9 سنوات

حكاية السوبر وهذي فهميه إنه لازم أنتي تروحي من باب تغيري جو وتعرفي اش تاخذي واش يلزم وقولي له كل مره تروح فيها تجيب أغراض ماتلزمني بأرميها واخليك تجيب غيرها فوفر على عمرك أحسن.....أما حكاية المشاغل أنتي فرجيه على صبغات وقصات حمسيه معاك وانه تغييير ونيولوك يمكن يتحمس ويوديك وكرري طلبك حتى يوديك لنفس المشغل وأنتي عارفه لزوجك يجي بصيغة الأمر ولا لازم دلع ومياعه😆واختاري الوقت المناسب للطلب..وأما المطاعم فأنتي قولي له والله فلانه تمدح المطعم الفلاني وأكله خلينا نجرب ولاتيأسي مع كثرة الألحاح والطلب بيفتح جيبه دامه مقتدر والله يسخره ل

حكاية اكتوبر • 9 سنوات

شوفي حبيبتي من ناحية المشاغل زوجي نفس زوجك يكررره المشاغل ومستحيل يوديني يقول يصورك مايوديني إلا مناسبات
اشتريت حمام ساونا وصابون مغربي وصنفره واسوي لنفسي في البيت وادا ع الشعر كلمي كوفيره موثوقه وتجيك لين البيت صبغ وقص وكدا
ومن ناحية المطاعم والسوبر ماركت زوجك شكله يخاف من الصرف بس كل شهر حاولي بدلع وكدا واكيد ماراح يرفض ومره ع مره يتعود بس اهم شي لاتيأسي مرر

moonnn1 • 9 سنوات

حكاية اكتوبر :

شوفي حبيبتي من ناحية المشاغل زوجي نفس زوجك يكررره المشاغل ومستحيل يوديني يقول يصورك مايوديني إلا مناسبات اشتريت حمام ساونا وصابون مغربي وصنفره واسوي لنفسي في البيت وادا ع الشعر كلمي كوفيره موثوقه وتجيك لين البيت صبغ وقص وكدا ومن ناحية المطاعم والسوبر ماركت زوجك شكله يخاف من الصرف بس كل شهر حاولي بدلع وكدا واكيد ماراح يرفض ومره ع مره يتعود بس اهم شي لاتيأسي مرر

شوفي حبيبتي من ناحية المشاغل زوجي نفس زوجك يكررره المشاغل ومستحيل يوديني يقول يصورك مايوديني إلا...

حاولت لين تعببببت مانفع معه لادلع ولاامر ولاغيره