السلام عليكم ورحمة الله وبركاته
اه وش اكتب وش اقول انا زي ماتكلمت بمواضيعي قبل اني من زمان ماشفت اهلي هم بمدينه وانا بمدينه وبينا اربع ساعات صارلي اربع شهور ماشفتهم وتعبت وانا اقول لزوجي ابي اروح لهم وهو رافض ويقول ماني فاضيلك وانتي حرمه متزوجه ومن هالكلام الي يجيب الضغط والسكر والمرض وقلتلكم اننا تهاوشنا قبل اسبوع وشوي ع هالسالفه ويوم رجع من السفر من شغله قال اذا فضيت اوديك واليوم جهز اغراضه بيمشي قلت وين رايح انت قايل بوديك اذا جيت وفضيت قال ماني فاضيلك وازعجتيني مع ان شغله عادي لو يغيب يوم يعني ماله عذر بس مدري ليش يسوي فيني كذا حرام عليه وربي مشتاقه لاهلي موت وهو عايش مع اهله مايحس بالي احس فيه حتى خواتي الي ابعد مني كل شهر يزورون اهلي الا انا تعبت من هالرجال الي صار انه مشى قبل الظهر وبعد صلاة المغرب جلست اسولف مع اختي بالواتس قالت ليش ماجيتي قلت وين اجي قالت زوجك عندنا اليوم ليش ماجيتي ولا ماعاد تبينا قلت بلا استهبال خلي مزحك البايخ زوجي رايح شغله وانا من شهور احن عليه عشان اجيكم ويقول موب فاضي وش بيجيبه عندكم الحين قالت والله العظيم انه متقهوي العصر عندنا وابوي الي قال لامي ودقيت ع أمي وسألتها قالت ايه جاي وليه ماجيتي انا هنا سكتت مدري وش اقول من الصدمه ليه سوا كذا ليش راح وماأخذني ياربي ليش وعلمت أمي بكل شي وامي انقهرت من تصرفه والحين مدري وش اسوي ادق عليه اواجهه ولا اسكت لين يجي ومادام انه راح هناك اكيد ماراح يوديني قريب ياربي وش اسوي معاه كرهته هالرجال كرهته يعني الشي الي يبيه يبيني اسويه له بسرعه وعلى اكمل وجه واذا انا بغيت شي يالله بعد الموت اشوفه لو كنتم بمكاني وش بتسوون
ل?ف? @lf_1
عضوة جديدة
يلزم عليك تسجيل الدخول أولًا لكتابة تعليق.
أم عيالي 123
•
الله يصبر
moono
•
مدام راح لاهلك خلي ابوك يكلمه يقول اننا دقينا على بنتنا نعاتبها ليش ما جت معك، طلع انها ماتدري عن روحتك وانك مانعها من زيارتنا، لازم يتوقف عنده قهرني الله يقهره قوي عين الله يقلهم من اشكاله
لاحوووول ولاقوه الا بالله زوجك نذل ليش هالحركات
مادري شقول غير الله يصبرك الامهات حكيمات شوفي امك اش تقول في حل موضوعك
مادري شقول غير الله يصبرك الامهات حكيمات شوفي امك اش تقول في حل موضوعك
الله يسخره لك يارب ويهديه خوفيه قولي الله يحرمك من شوفه أحبابك مثل ماحرمتني من اهلي او قولي مااحللك على حرمانك لي شوفه اهلي ارسلي او ارسلي له مقطع يوتيوب فيه الشيخ خالد الجبير يتكلم عن الزوج لما يحرم زوجته من شوفه اَهلها موجود باليوتيوب اختاري اللي يعجبك من الحلول ورائي تختار المقطع حق الشيخ لعلى وعسى يحس على دمه
الصفحة الأخيرة