زوجي الله يسامحه....

سلام عليكم كيفكم حوائيات..
بدخل بموضوعي سيدااا
لي خالتين بمدينتي احبهم واعزهم وعلاقتي فيهم تماممم لكن وحده منهم حصل خلاف بسيط من بنتها بس زوجي كبر الموضوع وكلم اخوها وصارت شوشره وانا الضحيه علاقتي خربت من بعدها فيهم وزبده الموضوع ان كل بنات خالاتي الثنتين اذا جو بيتي مايحترموني هم من سني ومادري وش سالفتهم عناد اوغيره والا وش وضعهم المهم اذا جوني يطلعون فوق وتحت ويحوسون البيت ومايكلمون اخواتهم اذا صلحوا غلط اخر مره جوني فضوا نص براده المويه فوق الفراش واعدموا الدنيا والبنات الكبار شافوهم ومع ذالك مايكلمونهم مثل ماقلتلكم كلمت البنات يكونون حريصات وينتبهون لهم ولاكاني قلت شي وصراحه ارتفع ضغطي منهم المهم خالتي مزوجه ولدها وعلاقتي بزوجه ولدها عسل وجتني مره كنت عازمتها وتفاجاءت ببنت خالتي تكون حماتها جات معاها وعادي ضيفتهم وقمت فيهم على اكمل وجه المهم البنت بعد ماتقهوت طلعت فوق وانا اكثر من مره بلغتهم زوجي مايرضى احد يطلع فوق لان الضيافه تحت والنوم فوق ومافي شي يخصهم اصلا المهم وانا كنت اسوي العشا وكانت ماخذه بنت اخوها ولعبت في غرفتي كركبتها شوي ومانزلت الا لمن ناديت على العشا المهم انا ماعرفت انها فوق الا لمن راحوا وقمت ارتب البيت المهم زوجي فقد جواله وجلس يدور عليه وحصله في الغرفه الي كانت فيها بنت خالتي ولمن سال بنتي قالت كان مع فلانه اللي هي بنت خالتي ورجع قوم الدنيا وقعدها فوق راسي وتمشكلنا قلتله قلت والله ماشفتها طلعت اصلا اغلب وقتي بالمطبخ المهم حملني الخطا ومن وقتهاا كلم اخوها وسبها وتكلم عليها ومادريت بهذا كله الا بعد اربع ايام من الموضوع كلمتني خالتي فيه تتشره علي وانا والله مادريت عن زوجي انه بيسويها ويكلمهم مررررره أحرجني وطيح وجهي سالفه ماتستاهل قمت قلت لخالتي والله مادريت عن الموضوع الا منك وسامحيني وامسحيها بوجهي وزوجي غلطته سمع كلام بنتي الي عمرها خمس سنوات المهم ومن بعدها تغيروا علي مرررره ولاعاد يطيقوني ولايجلسون في المكان اللي انا فيه وتاثرت علاقتي في خالاتي الثنتين اكيد قالت خالتي للثانيه طيب وانا اش ذنبي ان زوجي خرب علاقتي فيهم على سبب مايستاهل حاولت اكسبها بس ماش ماحسها متقبلتني فكرت اسوي لها عزومه الفتره الجايه واهديها هديه اكسب محبتها بس زوجي يقول خلاص لاعاد تحتكين فيهم سلمي من بعيد لبعيد وانا محتاره علما بان زوجي علاقته مره ممتازة مع ازواج خالاتي يعني خرب علي وبس.... اعطيتكم سالفتي من والى واتمنى ترشدوني ..جزاكم الله خيرررررر..