زوجي الله يصلحه💔

السلام عليكم ورحمة الله
اليوم كنت جالسه مع زوجي نسولف ونضحك
ففتحت سالفه عن حرمه تعاني من السمنه ومسكينه متازمه
تبغى حلول قال الحل زوجها يتزوج عليها بالثانيه عشان تنحف!
😟بسم الله الرحمن الرحيم انصدمت منه ومن رده
بعدين الحرمه طيبه مع زوجها وعندهم عيال ماعليهم خلاف
يقول لا الحلول لمشاكلكم انتو يا النساء انه يتزوج الزوج!!!
طبعا هذا حاله اذا سولفنا اي سالفه اي مشكله جسديه
نفسيه يقول نفس الجواب!!!!
قهرننيييييي
فماتحملت وسكت وزعلت في خاطري قلت ماعليه عاد سولفت
معك يا النفسيه
وقمت اشتغل ورحت لغرفتي لوحدي ابكي انقهرت منه
المهم لما رجعت جلست معه انصدم من وجهي ! وقال ايش فيك
زعلانه !!
قلت كل ماقلت شئ قلت الزوجه الثانيه الزوجه الثانيه
قال ماقصدك انتيييييي!!!! اتكلم عن الحريم الي مو قايمين
بحق زوجهم لا في الجسم ولا الاخلاق الحياه مره وحده الواحد يعيشها
ياخثها الواحد بالحلال مو بالحرام !
طبعا انا حسيت اني بنفجر ورحت انام وخليته ولما قمت رحت لاهلي
ازورهم زواره واغير جو طبعا
انا مسالمه وما احب اشوف احد زعلان
زوجي ذا عادي يقعد اسبوع زعلان
فما فيني له ولزعله بيفقع كبدي
لما رحت لاهلي ارسلت قلب احمر فقط
شاف الرساله ولا رد!
ولما جاء الليل ياخذني زعلان ولا حرف تكلم وولدي يبغى يلعب معه
يدعي ابوه يقول بابا بابا راح وسفه الولد زعلان حتى على الولد
ودخل الغرفه ينام على طول
رفععععععع ضغطيييييييي يعني انت تقول كلام زي السم
وتستخدم الزوجه الثانيه كذل لنا ومفروض انا ازعل
بس قلت بمشيها لا وزعلان هو !!!!!!!!
اقسم بالله رفع ضغطي
الحل مع ذي العينه الي عندي !