السلام عليكم
كيف حالكم اخواتي؟
عساكم بخير يارب
يا اخواتي انا في هم ما اعرف كيف اتصرف
بقولكم قصتي انا متزوجه ولد عمي وهو يشتغل شغل حر وعندي بنت عمرها 9 شهور وحامل توني في الشهر الاول زوجي لاحظت عليه تصرفات ما تعجب بحملي في بنتي وانا كنت حامل في الشهر الخامس اعتقد كنت اشم ريحت زوجي يوم يجيني متأخر طبعا ريحه كريهه تطلع من فمه يوم كنت أسأله يقولي ريحت الريد بول وانا على نيتي صدقته وتمينا على هالحال لين جبت بنتي الله يحفظها لي من شهرين الرجال لاحظته يجيني وهو ريحت فمه كريها وعيونه حمراء ويتصل يقولي اتجهزي يعني وانا مضايقه احس انه الوضع مش طيب وكل ما اضغط عليه يقولي ريد بول جديد هذا اقوى من القديم ويرد علي بزعل ويرفع صوته يعني سكري الموضوع ولا ياويلج ..اسكت واقول ما عليه اتحملي وبيجي يوم وربي بيفضحه ...لين يوم جاب العلبه ودخلها الغرفه وشفتها نفس علبه السفن اب بس لون اخضر غامض ومكتوب عليها هينكن بالاحمر دخلت النت وقريت عنه طلع مشروب وفيه كحول والله اني انقهررررررررررررررررت اكثر لانه تأكدت من الموضوع كنت ما اريد اظلمه والله اني على نيتي ومن يومكم وانا مضايقته انضحه يوم يجيني بريحه الخايسه اقوله خاف من ربك والله حرام هالشيء الي تسويه واتم اقوله ترى مو سهل الناس كلهم يحترمونك لو دروا بسوياك بطيح من عينهم واتم ازن عليه يتنرفز مني يقولي رجااااااء خاااااااص ما تكلميني في هالموضوع وما يخصك اصلا انا كيفي انقهر اقوله والله حلوه كيف مو كيفي مو انت زوجي وابو بنتي ونتزاعل ويروح يخليني وينام وحذرته كم مره انه ما يشرب هالوسخ والله يا اخواتي انه يعاندني يشربه ويجي البيت عادي ولا كأنه سوا شيء يعني كلامي ما يهمه
وقام يقولي ويحلف لي انه ناس من اقاربي يشربون وهذا عادي وانا اعرف هالناس ما اصدق انهم يشربون لانهم ملتزمين بس هو يعرف اني انا احترمهم واقدرهم كثير يبي يبين لي انه عادي الي يسووويه يقهرني انه يكذب وربي كان يبي يفضحه مره تعبت شغالتي وقلت له مر ودينا المستشفى فالليل قال انا في عرس يوم رحت انا وسايق اهلي والخدامه للمستشفى اجه للمستشفى وراح السايق ركبت جمبه والخدامه وره وهو يتكلم معاي طلعت الريحه الخايسه من فمه قلت له اكيد شربت ريد بول طبعا انغزه لانه هو سماه ريد بول قام حلف وقال والله ما شربت وخلي عنج الوسواس ثاني مره اتخيلوا وانا جالسه اسمع صوت علب عند رجولي فاضيات لاني حركت الكيس برجولي وهو يسولف بالتلفون نزلت يدي عند رجولي اوني بشل علبه الكلينكس الا امسك الكيس وادخل يدي واشوف كم علبه فاضيه تقريبا 3 يعني شربهم وهو جاي انقهرررررررررررررررررررررت منه موووت وليه يحلف علشان شو على شيء ما يسوى بنات ناصحوني ايش اسوي وكيف اتصرف معاه انا اشتغل وانا اتعب في حملي لازم يسون لي ربط وطول حملي وانا مسدوحه وهو شغله حر على كيفه يروح ولا ما يروح وانا احس نفسيتي تعباااااااانه لانه انا ساكنه عند اهلي هو بناء لي جناح غرفه وصاله وحمام والمطبخ معه اهلي طبعا بس والله يا اخواتي انا في حيررررررررره وما اريد اقول لاخواني ولا لامي لانه اول شيء ابو بنتي وولد عمي وما اريد يطيح من عينهم خاصتا انهم يحبونه ويحترمووونه ونحن ناس ملتزمين ما عندنا هالبلاوي
REEM ALSHOQ @reem_alshoq
عضوة جديدة
يلزم عليك تسجيل الدخول أولًا لكتابة تعليق.
سوسو aziz
•
والله مالك إلا الدعاء ..بآخر الليل .. صدقيني مجربتها ..
الباشيه
•
قولي ان سويتها ثانيه انزل عند اهلي وما ارجع لك..انا ابي بيتي وعيالي ابوهم رجال مو مجنون..يمكن يخاف ويخفف ويتركه
الله يهديه
الله يهديه
الله يصلحه ويهديه زين انها بيره بس مهو بلاك ولا بلا اخس
لا تستفزينه ثم تفلت اعصابه ويمد يده عليك اهتمي بحملك
وادعيله بوقت الولاده لان دعاء المرأه بهاللحضه مستجاب
الله يهديه لك ويصلح مابينكم ويكفيك شره
لا تستفزينه ثم تفلت اعصابه ويمد يده عليك اهتمي بحملك
وادعيله بوقت الولاده لان دعاء المرأه بهاللحضه مستجاب
الله يهديه لك ويصلح مابينكم ويكفيك شره
الصفحة الأخيرة