زوجي اللي جنني :(

السلام عليكم
كيفكم ؟
بنات انا ليا تقريبا 10 شهور متزوجه انا زوجي برا يشتغل يعني انا بمددينه وهو بمدينه المهم زوجي يجيني خمس ايام فالشهر وصار كل مايجي يدور الخرجات مايجلس معايا ولا يخرجني واذا قلتلو ليش وكدا قال انا من حقي اخرج ماني متعود اجلس فالبيت والمشكله انو يوعدني يقولي تجهزي ولما اتجهز وكل شي يتصل احد عليه ولا كلم احد يقولو يلا خلينا نتقابل والا اللي يتصل يقولو يلا ايش رايك نخرج وهو عادي عندو يقول يلا قدام طيب انا كيف عادي اصحابي ومدري ايش ولا اهلي انا مامنعتو عنهم بس من حقو يجلس معايا ويتكلم وايوا صح ادا جلس فالبيت بس جالس ع النت ولا نايم يعني مدري كيف مقهههوره منو وكمان تخيلو قالي اليوم يلا البسي بنطلع بعد الصلاه طلعنا واول ماطلعنا قالي بروح اسلم ع خالتي من زمان عنها ومدري ايش قلتلو مو دحين خليعا بعدين بس قال بعدين مايمديني قلتلو طيب سلم عليها واستتناك بالسياره قال طيب ولا وصلنا قال تزعل منك كدا وراح تخليك تطلعين انزلي ومو مطولين بس اسلم ونخرج قلتلو طيب دخلنا عندهم وجلس شويا مع الرجال وخرج قالها مواعد واحد انا شوي وجاي مااتصل عليا قالي قالها وانا ع طول اتصلت قلتلو خدني وديني البيت قال لا اجلسي ماني مطو ربع ساعه بس مارضيت وقال خلاص جايك وطول مرت ساعه يمكن مجاء ولما كلمتو قال يلا جايك واخرتها بعد نص ساعه ارسلي رساله قالي انا رايح الديره وتركني وتوي الي جيت من عندهم وجيت مع اختو وصلتني البيت وهو لسى ماجاء بس ايش اسوي فيه ايوا كمان يكذب عليا يقولي انا كنت فمكان وهو مارحلو طيب يعني اصحابو مراح ينفعونه وغير كذا انا حامل طفشششت من كثر مااتكلم وماينفع معااه ايش اسوي وانا الغبيه يجي يقولي معليش وسامحيني وكذا واسامحوو والله لما يجي تقريبا نص الايام انا والدمعه فعيني ابغا اعرف ليش يضحك عليا ويخليني كدا من جد والله مرا طفشت والي يقهر لما اتصل عليه يديني مشغول ولا لما اكلمو يقولي جااي ويجلس 4 ساعات وهوا ماجاء ولا 3 ساعات ويوعديني انها اخر مرا ولما احد يتصل ويقولو يلا يروح والمشكله مالو ساعه ولا ساعتين واعدني ايش اسوي فيه والله طفششششششششششششششششششششششششت لو مايجي احسسن
؟؟؟ :44::(