زوجي اللي يرفع الضغط

السلام عليكم حوائيات


مشكلتي احسها متكرره بس فاقعتن مرارتي اني سويت الحلول ولا في نتيجه

باختصار انا ساكنين مع اهل زوجي بنفس العماره حنا فوق وهم تحت (هذي ما هي مشكله) عندي بنت وحده عمرها سنه و نصف

انا من جبت البنت و حياتنا تغيرت وانا دايم اسمع هالشي فصرت عادي و لا همني ولكن اللي يرفع ضغطي انه صار وقح بالردود و بس عصبي و طبعا بسبب هالشي انا خلاص ما صار بيننا علاقه زوجيه
اقدر اقولكم يمكن في السنه و النص هذي ما ×××××××××××××

و الرفض منييييييي <<< بتقولون بيتزوج عليك والخ وانا بقول لكم مع الف سلامه لاني انا ماني حماره ولا بقره متى ما بغاني جيته و هو مقصر في حقوقي

يوم العيد جيت ابشتري فستان لبنتي غالي شوي قال لي ليييش لا ما بتلبسه الا مره و بتكبر عليه
قلت والله كل ملابسها عاديه و اهم شي اناقه بنتي .... وقبلها يمكن باسبوع مطلع اهله و صارف عليهم بالالوف علي اشياء تافهه و سخيفه بمعنى الكلمه يعني بجد هذا اللي ينقال عنه ماله داعي
يعني لو امه قالت هذا حلو علطول جابه وهو مخيس وهي ما طلبته اصلا

ولو اقول هذا حلو قال امي امشي بس ... ولا بعدين .... ولا عندك منه .... و الخ من الاعذار الكاذبه الوصخه

يعني يذلني ما تسوى علي لدرجه اني كرهت الشي
اول كنت ارادد واخذ من فوق الخشم
الحين خلاص صرت بس يقول كذا اكشر الوجه و امشي و معصبه وخلاصص لا تكلمني لاني طففففففشت


و في مره رحنا محل وكان يبيع فطاير و حلا و خذيت لقهوه لاهلي و بعدين عجبني بيتيفور (لي انا ) و خذيته و قال اي اطفحي (بنظره زي احتقار و ليش تاخذين لنفسك ما يكفي حق القهوه ) بدال ما يقول بالعافيه عليك و تامرين امر و من عيوني (وعلى كره انا دايما احاول اتكلم معه كذا ابيه يستحي على وجهه ولكن لا حياه لمن تنادي)

وطبعا زي ما انا قلت اني مقاطعته بالسرير بسبب هالاسلوب
وامس عطيته وجه قلت يمكن يتعدل و دايم اقوله وش يزعلني ابيه يتعدل واكلمه باسلوب حلو

الله وكيلكم ما كاني قلت شي و رجع اليوم لاسلوبه الخايس زي اول و اسوا

حسيت اني انضحك علي واني مخدوعه و كرهت نفسي اني سلمت نفسي لي


من جد يا بنات احيانا مع الصراخ و الوقاحه و الانتقاد المستمر
صار يجي ببالي بس افتح باب البيت و اطلع كذا من غير كلام خلاص اطلع من البيت ما يهم وين اروح بس كذا ولا ابي احد لا بنتي ولا زوجي خلاص كذا ما ابي احد
قرفت حياتي

اول كنت ارادد و اهاوش بس خلاص طفشت و صرت اسكت و اطنشه ولا كانه موجود بمعنى الكلمه
بس الحين

انا خلاص مرفوع ضغطي منه وما ادري ايش اسوي



ملاحظه: البنات اللي يقولون تمنعينه حقه و تبين يكون زين انا ما منعته الا من بعد الحركات ولا راح ارجع مثل اول ال لما يرجع هو وعطيته بوجه كذا مره ويوم اعطيه حقه ينام و يصحى اليوم الثاني و ترجه حليمه ل عادتها القديمه