قلوووب 22 @klooob_22
عضوة جديدة
زوجي المحترم ............ومعلمة اجيال
بسم الله الرحمن الرحيم احبكم بالله ابدا بمشكلتي مباشرة وبالعاميه قصتي يابنات الحلال تزوجت من عشر سنوات وعندي ولد وبنتين من يوم تزوجت بدات معاناتي مع الحياة تحملت ظروووووووف زوجي السيئه جدا جدا والحمد الله كنت اكبر معين له مع ان زوجي معامله لاتطاق ماطلع من البيت غير بطلعه الروح المهم قلت يابنت تحملي هذا زوجك والله يهدي اهلي ماعلموني اعيش لنفسي صرت اعيش من اجل زوجي لكن الدنيا تعلم اللي مايتعلم المهم زوجي كان ينكد على دباب وكنت حارمه نفسي من كل شي لااشتري لبس زي الناس ولا شي وكنت ساكته من اجل زوجي المصون المهم اشترى باص لنقل المعلمات بالتقسيط تغير زوجي من شخص لايهتم باللبس والعطر وفجاءه اهتم بنفسه وكان جواله طبعا يرميه في اي مكان الحين صار حريص مايخلي الجوال ينزل من يديه المهم قلبي كان دليلي حسيت فيه شي ولما طبعا نام اخذت الجهاز وقلبي يرتجف كنت حاسه انه فيه مصيه راح تقلب حياتي تدرووووون وش لقيت رسايل بينه وبين معلمة مطلقه وحب وغزل معلمة اجيال ورسالة لصديق عمرة تدرووون وش يقول لصديقه يقول انا راح اصبر على اللي ام شوشه اللين تجي المنقوشه انا غندي زوجه طفشتني تدرون ليه طفشته عشان اطلب اغراض وخبز للمطبخ فقط وقال اللين ازبط اموري مع المدرسه يعني يخطبها يالله يالدنيا وين صبري كل هالسنين رجعت الجوال ورجعت مكاني بالغرفه وجلست اناظر اطفالي وماني عارفه ايش اسوي
36
4K
يلزم عليك تسجيل الدخول أولًا لكتابة تعليق.
تكفين اهم شي في حياتك عيالك لا تشتتينهم واكيد غلاهم اكثر من غلاه وترى انا مريت بنفس التجربة مع اني معلمة وساعدته لين قوى عوده وخاني وبحكم ظروفي صبرت والحمدلله صار الصبر لمصلحتي وخلي زوجك يجرب المنقوشة ويعرف قدرك وتكون لك فاتحة خير والله يوفقك ويصبرك آمين
الصفحة الأخيرة
يأما معلمات ما يعرفون من علمهم إلا قلم سبورة ودفتر تحضير
أنا ما أقدر إقولك إلا الجيء لربك وادعيه أنه يصرفها عنه ويصرفه عنها