زوجي المزاجي

السلام عليكم يابنات .أنا حاسه أني بنفجر ولازم أتكلم
مشكلتي ان زوجي اذا عصب يتفنن في الكلام الجارح والظلم وياويلي لو أدافع عن نفسي لأن كلامي معناه أني ابي اتعبه زيادة وأبي اكبر المشكله واذا قلت بيني وبينك الله ،الله ياخذ حقي منك اعتبرن ادعي عليه وراح اقولكم مثال بسيط (كنا في سفر وقاطين فيفتي فيفتي طبعا ويرينا بالقطه للعيال ولي جلابيه وكله بميه وصار فيه لبس عند محل عسل وراح يخانق ليش ماتشترين بفلوسك فقلت له خلاص بفلوسي ودفعت ولما ركبوا السيارة قال أنا ادفع للبيت معك (يعني أنا ادفع معه نص الإيجار ونص مصاريف البيت ويتمنن هو علي !!!!!!!!!!انه يدفع)وقال أنا اقدر أجيب كيس رز ودجاج وبس اذا تبين كرابيج لعيالك جيبيه انتي من فلوسك (الخرابيط قصده الجبن والقشطه.....اما الشكولاتات أنا اجيبه من فلوسي دايم) وقال الحريم يدفعن مع ازواجهن وانتي ماسكه ومالك الا فضل السلف ( أخذه له قرض يشري سيارة ومن شهرين بدأت ادفع عنه دين عليه بقسط 3000 لمدة سنه وقلت له هذه مساعده مني ) وقال اختي دفعت لزوجها 40 الف فقلت له طيب أنا راح اساعدك ب36 وعنده جن جنونه ليش اقول أنا ابساعدك واتكلم عن شي ماستلم منه الا 6000 وهنا سكت انا وهو استمر بالخناق ويوم نزلنا من السيارة التفت لي وقال الله يقلع هالوجه ياويلك اذا قلتي عطيتك مره ثانيه لأن اي فلوس تعطيني اياه هي ثمن ذهابك لأهلك وهنا قارة أعصابي ورفع يدي للقبله وقلت يارب تاخذ حقي منه عاجل غير اجل حسبي الله عليك ونعم الوكيل ياظالم . وهنا ثار زيادة وضفينا اغراظنا وبالطريق حاولت ارضيه لكنه بدأ يتفنن بالألفاظ الجارحة وانا ساكته مثل أنا كنت اقدر امشي الموضوع بس أنا مابي امشيه لأن كل واحد مايكل الثاني ولا يخلص له وانتي مراه تعانديني وتهينين وتدعين علي وانا ماقدر أتحمل ونزلنا في الطريق لمنتزه بعد ان اعتذرت منه وكل شي صار أوكي لكن بعد دقيقتين اكلمه وهو يرد علي من طرف خشمه ومايلتفت لي فسكت ويوم ركبنا السيارة انطلق علي بكلام جارح مثل انتي ثقيلة دم ليش ماظحكتيني بالحديقه حتى لو سفهتك .......وانا لازم أتزوج وحدهتعرف تعامل معي